Галынка (Гродзенскі раён)

Галы́нка (трансліт.: Halynka, руск.: Голынка) — вёска ў Гродзенскім раёне Гродзенскай вобласці. Уваходзіць у склад Сапоцкінскага сельсавета. Знаходзіцца за 21 км на паўночны захад ад Гродна, за 1 км ад граніцы з Польшчай.

Вёска Галынка Краіна Беларусь Вобласць Гродзенская Раён Гродзенскі Сельсавет Сапоцкінскі Каардынаты 53°46′33″ пн. ш. 23°34′06″ у. д. Насельніцтва ▼74 чал. (2009) Часавы пояс UTC+3 Тэлефонны код +375 152 Паштовыя індэксы 231724 Аўтамабільны код 4 СААТА 4220762021 Галынка на карце Беларусі ±

Галынка на Вікісховішчы

Галынка — даўняе мястэчка гістарычнай Гарадзеншчыны.

Гісторыя

У выніку трэцяга падзелу Рэчы Паспалітай (1795) Галынка апынулася ў складзе Прусіі, з 1815 — у складзе Расійскай імперыі, у Аўгустоўскі павеце Аўгустоўскай, з 1867 Сувалкаўскай губерні Царства Польскага. Станам на 1827 у мястэчку было 57 двароў.

Згодна з Рыжскім мірным дагаворам (1921) Галынка апынулася ў складзе міжваенннай Польскай Рэспублікі, дзе стала цэнтрам гміны Аўгустоўскага павета Беластоцкага ваяводства

У 1939 годзе Галынка ўвайшла ў БССР, у Сапоцкінскім раёне Беластоцкай, з 1944 — Гродзенскай вобласці. З 1959 года вёска ўваходзіць у склад Гродзенскага раёна. У 1940—1959 гадах цэнтр Галынкаўскага сельсавета. 1 жніўня 1966 года вёска перададзена з Гінавіцкага сельсавета ў Сапоцкінскі пассавет.

Насельніцтва

• XIX стагоддзе: 1827 — 367 чал.; 1882 — 896 чал.
• XX стагоддзе: 1999 — 124 чал.
• XXI стагоддзе: 2010 — 74 чал.

Турыстычная інфармацыя

Царква, фота пачатку XX ст.

У Галынцы на каталіцкіх могілках знаходзіцца помнік жыхарам мястэчка — ахвярам савецкай і нямецкай акупацыі 1939—1945.

Славутасці

• Капліца (пач. XX ст.)
• Касцёл Узвышэння Святога Крыжа (1870-я)

Страчаная спадчына

• Царква (1714; грэка-каталіцкая)

Літаратура

• Hołynka // Słownik geograficzny Królestwa Polskiego i innych krajów słowiańskich. Tom III: Haag — Kępy (польск.). — Warszawa, 1882. S. 116.

Спасылкі

• На Вікісховішчы ёсць медыяфайлы па тэме Галынка (Гродзенскі раён)