Гарадок (Глускі раён)

Гарадок
Краіна	Беларусь
Вобласць	Магілёўская
Раён	Глускі
Сельсавет	Завалочыцкі
Каардынаты	53°02′44″ пн. ш. 28°46′39″ у. д.HGЯO
Першая згадка	2-я палова XV ст.
Ранейшыя назвы	Гарадок, Глуск-Пагарэлы
Насельніцтва	▼83 чал. (2009);
Часавы пояс	UTC+3
Тэлефонны код	+375 2230
Паштовыя індэксы	213872
Аўтамабільны код	6
СААТА	7217812021
	Гарадок на Вікісховішчы

Гарадо́к^[1] (трансліт.: Haradok, руск.: Городок) — вёска ў Глускім раёне Магілёўскай вобласці. Уваходзіць у склад Завалочыцкага сельсавета.

Геаграфія

Размешчана на рацэ Пціч за 17 км на поўнач ад гарадскога пасёлка Глуск, за 200 км ад Магілёва.

Каля заходняй і паўднёвай ускраін вёскі знаходзіцца Гарадоцкае радовішча пяску^[2]. Паклад (2 лінзы) звязаны з канцова-марэпнымі адкладамі сожскага зледзянення.

Гісторыя

Упамінаецца з 2-й паловы XV ст. У канцы XVI — пачатку XIX ст. вёска мела назву Гарадок Глуск-Пагарэлы^[3]. Належала Гальшанскім, Гаштольдам, Астрожскім, Радзівілам.

З 1783 года ў складзе Расійскай імперыі.У 1847 годзе вёска ў маёнтку Дварэц (Бабруйскі павет). З 1924 года цэнтр Гарадоцкага сельсавета Глускага раёна.
Падчас Вялікай Айчыннай вайны ў 1942—1943 гг. нямецка-фашысцкія захопнікі загубілі ў вёсцы 89 жыхароў.

З 1960 года Гарадок у Завалочыцкім сельсавеце.

Насельніцтва

1847 — 148 жыхароў, 24 двары;
1897 — 337 жыхароў, 52 двары;
1917 — 466 жыхароў, 99 двароў;
1996 — 107 жыхароў, 71 двор^[3].

Славутасці

Свята-Казьма-Дзям’янаўская царква (1814 год) — Гісторыка-культурная каштоўнасць Беларусі, шыфр 513Г000408шыфр 513Г000408.
Брацкая магіла савецкіх воінаў.

Вядомыя асобы

Васіль Мартынавіч Зубец (1907 — 1991) — савецкі беларускі дзяржаўны дзеяч, вучоны ў галіне меліярацыі.

Крыніцы

↑ Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)
↑ Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
↑ ^а ^б БелЭн 1997.

Літаратура

Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 44. — 10 000 экз. — ISBN 985-11-0035-8. — ISBN 985-11-0090-0 (т. 5).

Спасылкі

На Вікісховішчы ёсць медыяфайлы па тэме Гарадок (Глускі раён)

[1] Назвы населеных пунктаў Рэспублікі Беларусь: Магілёўская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2007. — 406 с. — ISBN 978-985-458-159-0. (DJVU)

[2] Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.

[FOOTNOTEБелЭн1997-3] а ^б БелЭн 1997.

[1]

[2]

[3]