Гарадскія шалі (Мінск)
Гарадскія шалі — памятны знак у Мінску, устаноўлены недалёка ад гарадской ратушы, які сведчыць пра атрыманне горадам Магдэбургскага права ў 1499 годзе. Скульптурная кампазіцыя складаецца з фігур трох гараджан, якія заключаюць здзелку побач з вялікімі шалямі: адзін узважвае груз, другі аддае манеты, трэці прымае заробленыя грошы[1].
| Помнік | |
| Гарадскія шалі | |
|---|---|
 | |
| 53°54′15″ пн. ш. 27°33′23″ у. д.HGЯO | |
| Краіна |
 Беларусь |
| Горад | Мінск |
| Скульптар | Аляксандр Прохараў |
| Архітэктар | Сяргей Багласаў |
| Дата заснавання | 2014 |
| Дата пабудовы | 2014 год |
 |
|
Памятны знак створаны скульптарам Аляксандрам Прохаравым і архітэктарам Сяргеем Багласавым усталяваны 2 красавіка 2014 года і з'яўляецца часткай праграмы гарадскіх улад па ўпрыгожванні гістарычнага цэнтра сталіцы творамі манументальна-дэкаратыўнага мастацтва[2].
Мінск атрымаў Магдэбургскае права 14 сакавіка 1499 года па прывілею караля польскага і вялікага князя літоўскага Аляксандра Ягелончыка. Каралеўская грамата дазваляла мінчукам пабудаваць у горадзе ратушу, якая стала сімвалам гарадскога самакіравання[2]. Апроч іншага, усталёўвалася важніца — месца, дзе гарадскія ўлады пераважвалі тавары, якія прывозіліся ў горад, і тыя, што ішлі на экспарт, — такім чынам мелі магчымасць збіраць з гандляроў падаткі. Менавіта пра гэты гістарычны факт і распавядае скульптурная кампазіцыя. Акрамя таго, устанаўлівалася мерніца, якая адпавядала еўрапейскай метрычнай сістэме[1].