Гары Потэр і Ордэн Фенікса

«Гары Потэр і Ордэн Фенікса» (англ.: Harry Potter and the Order of the Phoenix) — пяты раман з серыі пра Гары Потэра, напісанай Джаан Роўлінг. Раман распавядае пра пяты год Гары Потэра, маладога чараўніка, у школе вядзьмарства і чараўніцтва «Хогвартс», які ўключаў у сябе першыя вынікі вяртання антаганіста Лорда Волдэмарта, экзамены на стандартны ўзровень чарадзейства (англ.: Ordinary Wizarding Level (O.W.L.)) і перашкоды міністэства магіі.

Гары Потэр і Ордэн Фенікса
Harry Potter and the Order of the Phoenix
Жанр	фэнтэзі
Аўтар	Джаан Роўлінг
Мова арыгінала	англійская
Дата першай публікацыі	21 чэрвеня 2003
Выдавецтва	Bloomsbury
Цыкл	Гары Потэр
Колькасць старонак	901 ± 50
Папярэдні	Гары Потэр і Кубак агню
Наступны	Гары Потэр і Прынц-паўкроўка

Кніга была выдадзена 21 чэрвеня 2003 года ў Вялікабрытаніі выдавецтвам «Bloomsbury», у Злучаных Штатах выдавецтвам «Scholastic Inc» і ў Канадзе выдавецтвам «Raincoast Books». У першыя 24 гадзіны пасля публікацыі было прададзена 5 мільёнаў копій. «Гары Потэр і Ордэн Фенікса» з’яўляецца самай доўгай кнігай з серыі. Раман заваяваў некалькі ўзнагарод, у тым ліку ў 2003 годзе Амерыканская бібліятэчная асацыяцыя прызнала яго найлепшай кнігай для падлеткаў.

Экранізацыя рамана, прэм’ера якой адбылася 28 чэрвеня 2007 года, атрымала больш за $939 мільёнаў у пракаце. Апроч таго, па матывах раману «Гары Потэр і Ордэн Фенікса» кампанія «Electronic Arts» выпусціла відэагульню.