Гейжанава
Гейжанава — мясцовасць у паўночна-ўсходняй частцы Верхнядзвінска, другі па колькасці жыхароў жылы масіў горада са шматкватэрнай забудовай.
Гейжанава | |
---|---|
Краіна | |
Горад | Верхнядзвінск |
Ранейшы статус | сяло |
Год уключэння ў межы горада | 1950 |
Паштовыя індэксы | 211631 |
Гісторыя правіць
Першапачаткова такую назву мела сяло, якое ўзнікла ў XVIII стагоддзі на правым беразе ракі Дрыса насупраць горада Дрыса. У 1904 годзе сяло належала прычту дрысенскага сабора Святога Мікалая. У пачатку ХХ стагоддзя сяло налічвала 17 двароў і амаль 100 жыхароў. Пасля Другой сусветнай вайны сяло было ўключана ў склад горада.
У 1981 годзе быў прыняты новы генеральны план горада Верхнядзвінска, у адпаведнасці з якім гэты раён стаў актыўна забудоўвацца шматкватэрнай панэльнай і цаглянай забудовай у 3-5 паверхаў па сучаснай вул. Першамайскай.
Лакалізацыя правіць
З захаду натуральнай мяжой мясцовасці з'яўляецца рака Дрыса, праз якую пракладзены пешаходны мост, які спалучае раён з цэнтрам горада (для праезда ў цэнтр горада аўтатранспартам трэба ехаць праз Яніна); з усходу - аўтадарога Р-20 Наваполацк - граніца Латвіі (Грыгораўшчына); з поўдня і поўначы - вёскі Мыкава і Яніна адпаведна.
Асноўныя вуліцы мясцовасці - Першамайская і Маскоўскага, другарадныя - Грыгаровіча, Себежская, Кірпічная і інш.
Прадпрыемствы правіць
- Верхнядзвінскі хлебазавод РУВП «Віцебскхлебпрам»
- Верхнядзвінскі завод сталярных вырабаў
Літаратура правіць
- Памяць: гісторыка-дакуменальная хроніка Верхнядзвінскага раёна. У 2 кн. Кн. 2-я. - Мінск: Паліграфафармленне, 2000. - 396 с.