Гектограф

Гекто́граф — спрошчаная друкарская прылада для размнажэння тэксту і ілюстрацый. Гектограф уяўляе сабой плоскую скрыню, запоўненую роўным пластом студняпадобнай масай (сумесь жэлаціна, гліцэрына і вады). Тэкст і ілюстрацыі наносяць на паперу адмысловымі чарніламі, у склад якіх уваходзяць анілінавы фарбавальнік, гліцэрын і спірт. Атрыманы арыгінал прыціскаюць да паверхні масы ў гектографе, у выніку чаго малюнак з паперы перадаецца на жэлацінавы пласт. Пры наступным прыцісканні чыстай паперы да паверхні масы на ёй атрымліваюцца адбіткі. Гектограф дазваляе атрымаць да 100 адбіткаў.

Рэклама гектографа, 1876 год

У 1884 г. у Санкт-Пецярбургу на гектографе быў выдадзены часопіс «Гоман».

Літаратура

• Гектограф // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 138.
• Як зрабіць гектограф? // Наша Ніва. — 28 кастрычніка 1996. — № 30 (68). — С. 7.(недаступная спасылка)

Спасылкі

• На Вікісховішчы ёсць медыяфайлы па тэме Гектограф
• Гектограф // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.