Генадзь Браніслававіч Давыдзька

	Генадзь Давыдзька
	Кіраўнік НДТРК РБ
	Кіраўнік НДТРК РБ
	28 снежня 2010 — 6 лютага 2018
Прэм’ер-міністр	Міхаіл Мясніковіч
Прэзідэнт	Аляксандр Лукашэнка
Папярэднік	Аляксандр Зімоўскі
Пераемнік	Іван Міхайлавіч Эйсмант
	Старшыня грамадскай арганізацыі «Белая Русь»
	Старшыня грамадскай арганізацыі «Белая Русь»
	з 19 студзеня 2018
Прэм’ер-міністр	Андрэй Кабякоў
Прэзідэнт	Аляксандр Лукашэнка
Папярэднік	Аляксандр Радзькоў
Адукацыя	Далёкаўсходняя дзяржаўная акадэмія мастацтваў[d] (1977); Беларуская акадэмія мастацтваў (1992);
Дзейнасць	журналіст, палітык, кінарэжысёр, тэлеакцёр
Месца працы	Арэнбургскі абласны драматычны тэатр імя М. Горкага[d]; Магілёўскі абласны тэатр драмы і камедыі імя Вінцэнта Дуніна-Марцінкевіча; Нацыянальны акадэмічны тэатр імя Янкі Купалы; Беларуская дзяржаўная акадэмія мастацтваў; Нацыянальная дзяржаўная тэлерадыёкампанія Рэспублікі Беларусь;
Член у	Беларускі саюз тэатральных дзеячаў; Белая Русь;
Нараджэнне	29 верасня 1955 (64 гады); Сянно, Сенненскі раён, Віцебская вобласць, БССР, СССР;
Жонка	Наталля Давыдзька
Узнагароды	; Прэмія Федэрацыі прафсаюзаў Беларусі[d] Мінчук года[d] (2004) Ганаровая грамата Нацыянальнага сходу Рэспублікі Беларусь

Генадзь Браніслававіч Давыдзька (29 верасня 1955, Сянно Віцебская вобласць) — беларускі палітык, акцёр, тэлевядучы.

БіяграфіяПравіць

У 1977 г. скончыў Далёкаўсходні педагагічны інстытут мастацтваў(руск.) бел., акцёр драматычнага тэатра і кіно. У 1992 г. скончыў Беларускую дзяржаўную акадэмію мастацтваў, рэжысёр драмы. Заслужаны артыст Рэспублікі Беларусь (1999 г.), лаўрэат прэміі Федэрацыі прафсаюзаў. З’яўляецца аўтарам праграм і вядучым на Беларускім тэлебачанні.

З 1978 да 1980 гг. служыў у Савецкай Арміі. З 1977 г. пачаў працоўную дзейнасць у Арэнбургскім абласным драматычным тэатры імя М. Горкага(руск.) бел.. З 1980 па 1982 гг. працаваў акцёрам Магілёўскага абласнога тэатра драмы і камедыі імя В. Дуніна-Марцінкевіча, акцёрам, рэжысёрам, генеральным дырэктарам Нацыянальнага акадэмічнага тэатра імя Я.Купалы (да 2004 г.).

У 1995 г. заснаваў тэатр «Бульвар смеху». Стваральнік тэлівізійнага цыкла «АРТ-клуб»; кіраўнік курса «рэжысура эстрады» ў Беларускай дзяржаўнай акадэміі мастацтваў. Член праўлення Саюза тэатральных дзеячаў Рэспублікі Беларусь.

З’яўляўся дэпутатам Палаты прадстаўнікоў Нацыянальнага сходу Рэспублікі Беларусь трэцяга склікання, быў членам Сталай камісіі па адукацыі, культуры, навуцы і навукова-тэхнічнаму прагрэсу (2004—2008 гг.). Дэпутат Парламенцкага Сходу Саюза Беларусі і Расіі, старшыня Камісіі па інфармацыйнай палітыцы. Член грамадска-кансультатыўнай рады пры Адміністрацыі Прэзідэнта Рэспублікі Беларусь. Старшыня савета фонду Прэзідэнта Рэспублікі Беларусь па падтрымцы культуры і мастацтвы. Старшыня асацыяцыі грамадскіх аб’яднанняў «Беларуская канфедэрацыя творчых саюзаў». Намеснік старшыні Сталай камісіі ПП НС Рэспублікі Беларусь па правах чалавека, нацыянальным адносінам і сродкам масавай інфармацыі. У 2004 г. прысвоена ганаровае званне «Мінчанін года».

28 снежня 2010 г. прызначаны кіраўніком НДТРК Беларусі. У 2011 г. разам з іншымі уплывовымі супрацоўнікамі і кіраўнікамі дзяржаўных СМІ Беларусі быў ўключаны ў санкцыйны спіс Еўрапейскага Саюза, у сувязі з хваляй рэпрэсій пасля прэзідэнцкіх выбараў 2010 г. Г. Давыдзьку быў забаронены ўезд на тэрыторыю краін ЕС, а актывы падлягалі замарожванню^[1]. Паводле Еўрапейскага савета Генадзь Давыдзька: «апісваючы сябе як „аўтарытарны дэмакрат“, нёс адказнасць за распаўсюджванне па тэлебачанні дзяржаўнай прапаганды, якая падтрымлівала і апраўдвала рэпрэсіі супраць дэмакратычнай апазіцыі і грамадзянскай супольнасці пасля выбараў у снежні 2010 года. Дэмакратычная апазіцыя і грамадзянская супольнасць сістэматычна паказваліся ў негатыўным і прыніжальным выглядзе, выкарыстоўваючы сфальсыфікаваную інфармацыю»^[2]. У 2016 г. забарона была знята. У тым жа годзе выступіў па тэлебачанню з шэрагам абвінавачванняў недзяржаўнай прэсы, ьцьвярджаючы, што яна працуе на развал дзяржавы^[3].

Пад яго кіраўніцтвам па дзяржаўнаму тэлебачанню быў паказаны сканадальны фільм «Жалезам па шкле», з тэкстамі якога «я цалкам згодны»^[4].

19 студзеня 2018 г. Генадзь Давыдзька абраны старшынёй прапрэзідэнцкага грамадскага аб’яднання «Белую Русь».

6 лютага 2018 г. Прэзідэнт А. Лукашэнка зняў Г. Давыдзьку з пасады кіраўніка НДТРК РБ^[5]. У той жа дзень прызначаны членам Савета Рэспублікі Нацыянальнага сходу Беларусі 6-га склікання^[6].

На парламенцкіх выбарах, якія прайшлі 17 лістапада 2019 г., балатаваўся ў Палату прадстаўнікоў Нацыянальнага сходу Рэспублікі Беларусь 7-га склікання па выбарчай акрузе № 107 «Усходняя». У Палаце прадстаўнікоў заняў пасаду старшыні Пастаяннай камісіі Палаты прадстаўнікоў па правах чалавека, нацыянальных адносінах і сродках масавай інфармацыі. У канцы студзеня 2020 г. узначаліў працоўную групу па вывучэнні пытання аб адмене смяротнай кары. Раней Давыдзька неаднаразова выказваўся ў падтрымку смяротнай кары. У 2014 г. Давыдзька заклікаў расстрэльваць гандляроў спайсамі^[7]. У жніўні 2019 г. выказваўся супраць чарговага рэферэндуму па адмене смяротнай кары: дастаткова, маўляў, і таго, што прайшоў у 1996 г.^[8]

Сям’яПравіць

Жанаты, мае дачку.

ФільмаграфіяПравіць

Год	Фільм	Роля
1983	Дело для настоящих мужчин	Антон Фралоў
1985	Мама, я жив	партызан
2000	В августе 44-го	палкоўнік
2001	Поводырь	дэкан
2002	Закон	Паліванаў
2003	Анастасія Слуцкая	князь Сямён Алелькавіч
2010	Брестская крепость	Новікаў
2010	Журов-2	Зяленскі
2011	ПираМММида	міністр

УзнагародыПравіць

Узнагароджаны медалём Францыска Скарыны (2005 г.), прэмія Федэрацыі прафсаюзаў Рэспублікі Беларусь, Ганаровай граматай Нацыянальнага сходу Рэспублікі Беларусь, Гран-пры1-га Усебеларускага фестывалю народнага гумару, Гран-пры Міжнароднага фестывалю сатыры і гумару ў намінацыі «пісьменнік, сатырык», Гран-пры Міжнароднага фестывалю вячэрніх забаўляльных праграмаў краін СНД і Балтыі (за стварэнне тэлецыкла «Налівай»).

Зноскі

СпасылкіПравіць

	Генадзь Браніслававіч Давыдзька ў Вікіцытатніку

Персона. Генадзь Давыдзька: здраднікаў я на ТБ не паклічу — Telegraf.by

[1] Поўны спіс 208 беларускіх чыноўнікаў, якім забаронены ўезд у ЕС

[2] Council Decision 2012/642/CFSP of 15 October 2012 concerning restrictive measures against Belarus = Рашэнне Еўрапейскага савета аб рэстрыктыўных мерах супраць Беларусі, 15 кастрычніка 2012 г. (англ.)

[3] Давыдзька: «Дзяржаве аб’яўлена інфармацыйная вайна» // Наша Ніва

[4] Генадзь Давыдзька: Ідзе бойка, і за зробленыя БТ фільмы мне не сорамна // Еўрарадыё

[5] Лукашенко обновил руководство центральных СМИ // БЕЛТА (руск.)

[6] Глава «Белой Руси» Геннадий Давыдько назначен сенатором

[7] Генадзь Давыдзька ўзначаліць групу па вывучэнні адмены смяротнай кары. Еўрарадыё (30 студзеня 2020). Праверана 2 лютага 2020.

[8] Давыдько: вопрос отмены смертной казни не просто политический, но и нравственный (руск.) . СБ. Беларусь сегодня (30 жніўня 2019). Праверана 2 лютага 2020.

[1]

[2]

[3]

[4]

[5]

[6]

[7]

[8]