Генадзь Мікалаевіч Сінякоў

Генадзь Мікалаевіч Сіняко́ў (руск.: Геннадий Николаевич Синяков; нар. 30 студзеня 1942) — вучоны-фізік і педагог, доктар фізіка-матэматычных навук (1993), прафесар.

Генадзь Мікалаевіч Сінякоў
руск.: Геннадий Николаевич Синяков
Дата нараджэння	30 студзеня 1942(1942-01-30) (82 гады)
Месца нараджэння	Болдырава[d], Нікольскае сельскае паселішча[d], Кесавагорскі раён, Калінінская вобласць, РСФСР, СССР
Грамадзянства	СССР  Беларусь
Род дзейнасці	педагог
Навуковая сфера	фізіка
Месца працы	Інстытут фізікі імя Б. І. Сцяпанава НАН Беларусі Інстытут малекулярнай і атамнай фізікі НАН Беларусі Беларускі дзяржаўны ўніверсітэт інфарматыкі і радыёэлектронікі
Навуковая ступень	доктар фізіка-матэматычных навук (1993)
Навуковае званне	прафесар
Альма-матар	фізіка-матэматычны факультэт БДУ[d]
Навуковы кіраўнік	Антон Нічыпаравіч Сеўчанка

Біяграфія

Нарадзіўся ў вёсцы Болдырава (Кесавагорскі раён Цвярской вобласці Расіі). Пасля Вялікай Айчыннай вайны разам з бацькамі пераехаў у Мінск. У 1959 годзе скончыў сярэднюю школу і паступіў на фізіка-матэматычны факультэт Беларускага дзяржаўнага ўніверсітэта. Універсітэт скончыў у 1964 годзе. З 1966 года працаваў у Інстытуце фізікі Акадэміі навук БССР. У 1971 годзе абараніў кандыдацкую дысертацыю. З 1992 года Г. М. Сінякоў у Інстытуце малекулярнай і атамнай фізікі Нацыянальнай акадэміі навук Беларусі. Навуковую дзейнасць сумяшчаў з выкладчыцкай на кафедры фізікі Беларускага дзяржаўнага ўніверсітэта інфарматыкі і радыёэлектронікі. З 2004 года Г. М. Сінякоў цалкам перайшоў на выкладчыцкую работу і з 2011 года працуе на кафедры фізіка-матэматычных дысцыплін Інстытута інфармацыйных тэхналогій БДУІР.

Навуковая дзейнасць

Аўтар больш за 180 навуковых прац па спектраскапіі, фотахіміі, люмінесцэнцыі біялагічна важных тэтрапірольных малекул. Устанавіў механізм фотахімічнага аднаўлення парфірынаў, вызначыў асаблівасці электроннай будовы хларафілападобных злучэнняў.

Сярод апублікаваных прац:

• Промежуточные продукты реакции посстановления порфиринов и их строение (разам з А. М. Шульгой і Г. П. Гурыновічам) // Биофизика. 1978. Т. 23. № 1.
• Физика: лабораторный практикум для учащихся 2-го курса всех специальностей. В 2 ч. Ч. 2 / [составители: Г. Н. Синяков и др.]. — Минск, 2007.

Літаратура

• Сінякоў Генадзь Мікалаевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 410. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Доктору физико-математических наук, профессору кафедры физико-математических дисциплин ИИТ БГУИР Синякову Геннадию Николаевичу исполняется 75 лет (руск.) // Інстытут інфармацыйных тэхналогій БДУІР
• Сінякоў Генадзь Мікалаевіч на сайце анлайн-энцыклапедыі «Беларусь у асобах і падзеях»
• Синяков, Геннадий Николаевич (доктор физико-математических наук, физика; род. 1942) Архівавана 23 студзеня 2022. (руск.) // Электронны каталог Цэнтральнай навуковай бібліятэкі НАН Беларусі