Генадзь Яўгенавіч Змудзінскі

Гена́дзь Яўге́навіч Змудзі́нскі (17 (29) студзеня 1897, Ніжнеудзінск, Іркуцкая губерня, Расійская імперыя — 22 верасня 1938, Менск, НКУС) — беларускі графік.

Генадзь Яўгенавіч Змудзінскі
Дата нараджэння	29 студзеня 1897(1897-01-29)
Месца нараджэння	Ніжняудзінск, Іркуцкая губерня, Іркуцкае генерал-губернатарства[d], Расійская імперыя
Дата смерці	22 верасня 1938(1938-09-22) (41 год)
Месца смерці	Менск, Менская вобласць, БССР, СССР
Грамадзянства	Расійская імперыя  СССР
Род дзейнасці	мастак, экслібрысіст
Вучоба	Імператарская Акадэмія мастацтваў
Медыяфайлы на Вікісховішчы

Генадзь Змудзінскі (1926), сяброўскі шарж, зроблены Мікалаем Малевічам.

Біяграфія

Вучыўся ў Імператарскай Акадэміі мастацтваў (1914—1915). Быў мабілізаваны ў войска з пачаткам Першай сусветнай вайны. З 1918 года ў Чырвонай Арміі — камандзір палка, начальнік разведаддзела брыгады. З 1921 года ў Менску. У 1921 годзе зрабіў некалькі плакатаў для Белдзяржвыдавецтва і Галоўпалітасветы. Аўтар эскіза ордэна Працоўнага Чырвонага Сцяга БССР і граматы да яго (1924), фірмовай маркі Белдзяржвыдавецтва (1924).

На час арышту працаваў у адной з менскіх газет. Арыштаваны ў Менску па адрасе: вуліца Старажоўская, д. 8, кв. 2. Асуджаны «тройкай» НКУС 20 верасня 1938 года як «агент польскіх разведвальных органаў» да расстрэлу. Рэабілітаваны трыбуналам Беларускай вайсковай акругі 29 кастрычніка 1957 года.

Творчасць

Працаваў пераважна ў станковай і кніжнай графіцы. Адзін з заснавальнікаў школы беларускай кніжнай графікі. Ілюстраваў школьныя падручнікі, аформіў шмат кніг для дзяцей — Максім Гарэцкі «Досвіткі», 1926; Аляксандр Нявераў «Як у нас была вайна», 1927; казку «Воўк і лес», 1928; і інш. Супрацоўнічаў з газетай «Звязда» (1927—1928), дзе друкаваліся яго плакаты і палітычныя карыкатуры. Браў удзел у Першай усебеларускай мастацкай выстаўцы (1925), у Міжнароднай выстаўцы кнігі ў Лейпцыгу (1927). Найбольш вядомыя творы станковай графікі — «Пагром», «Мінская конка», «Згода нявесты», «Бежанцы» (1916), «Араты» (1925).

Станковая графіка

• 
  Нямецкая кавалерыя, якую пераследуе агонь нашых кулямётаў, 1916
• 
  Плакат, 1921
• 
  Эскіз Дзяржаўнага герба БССР,1925
• 
  Герб БССР (праект Г.Змудзінскага)
• 
  Араты, 1925

Літаратура

• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.
• Налівайка Л. Лёс Генадзя Змудзінскага(недаступная спасылка) // Літаратура і мастацтва № 14. — 8 крас. 2011. — С. 11.
• Шматаў В. Ф. Беларуская графіка 1917—1941 гг. — Мн., 1975;
• Церашчатава В. В. Беларуская кніжная графіка 1917—1941. — Мн., 1971;
• Энцыклапедыя літаратуры і мастацтва Беларусі: У 5-і т. / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 2. Габой — Карціна. — 702 с. — 9 500 экз.
• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7).

Спасылкі

• На Вікісховішчы ёсць медыяфайлы па тэме Генадзь Яўгенавіч Змудзінскі