Генрых I (граф Люксембурга)

Генрых I (ням.: Heinrich I, фр.: Henri I; 960 — 27 лютага 1026) — граф Люксембурга з 988 года і герцаг Баварыі пад імем Генрых V у 1004—1008 і 1017—1026 гадах, старэйшы сын графа Люксембурга Зігфрыда і Гедвігі.

Генрых I
ням.: Heinrich I фр.: Henri I
2-і граф Люксембурга 998 — 1026 (пад імем Генрых I)
Папярэднік	Зігфрыд
Пераемнік	Генрых II
32-і герцаг Баварыі 1004 — 1009 (пад імем Генрых V)
Папярэднік	Генрых IV Святы
Пераемнік	Генрых IV Святы
34-ы герцаг Баварыі 1017 — 1026 (пад імем Генрых V)
Папярэднік	Генрых IV Святы
Пераемнік	Вакантна; затым Генрых VI
Нараджэнне	960
Смерць	27 лютага 1026
Месца пахавання	Остэргофен[d]
Род	Вігерыхіды[d]
Бацька	Зігфрыд[d]
Маці	Хедвіга[d]
Дзейнасць	палітык
Медыяфайлы на Вікісховішчы

Біяграфія

Генрых насіў тытул графа Ардэненгау яшчэ ў 993 годзе, да смерці свайго бацькі. У 1001 і 1002 годзе Генрых суправаджаў імператара Атона III у яго паходзе ў Італію.

У 1004 годзе ён атрымаў Баварыю ад караля Германіі Генрыха II Святога, жонка якога Кунігунда даводзілася сястрой Генрыху I. Выбар Генрыха быў таксама падтрыманы баварскай знаццю. У 1004 і 1005 гадах ён удзельнічаў у кампаніі імператара супраць князя Польшчы Баляслава I Храбрага, але ўжо ў 1008 годзе Генрых I паўстаў супраць караля, і ў 1009 годзе апошні пазбавіў графа Люксембурга ўладанняў у Баварыі і вярнуў сабе тытул герцага. У снежні 1017 года, пры заступніцтве архібіскупаў Херыберта Кёльнскага і Попа Трырскага, імператар у тым жа годзе вярнуў Баварыю Генрыху I.

У 1024 годзе, пасля смерці імператара Генрыха II, Генрых I падтрымаў кандыдатуру Конрада II з Салічнай дынастыі на імператарскі трон.

Генрых не быў жанаты і памёр у 1026 годзе. Яго люксембургскія ўладанні перайшлі да яго пляменніка Генрыха II, а Баварыя вярнулася пад кіраванне імператара, які праз год перадаў герцагства свайму сыну Генрыху. Верагодна, Генрых I быў пахаваны ў Остэхофене, у Ніжняй Баварыі. Ён з'яўляўся заступнікам абацтваў Санкт-Максімін у Трыры і Санкт-Віліброрд у Эхтэрнаху, якія належалі яго сям'і.

Літаратура

• Sigmund Ritter von Riezler. Heinrich V. (Herzog von Bayern) // Allgemeine Deutsche Biographie (ADB). Band 11. — Leipzig: Duncker & Humblot, 1880. — S. 459. (ням.)
• Lefort Alfred. La Maison souveraine de Luxembourg. — Reims: Imprimerie Lucien Monge, 1902. — 262 p.
• Gade, J. A. Luxemburg in the Middle Ages. — Leiden. — P. 54—55.

Спасылкі

• COMTES de LUXEMBOURG 963—1136 (англ.). Foundation for Medieval Genealogy. Праверана 13 снежня 2011.
• Heinrich I. Graf von Luxemburg (нявызн.). Mittelalterliche Genealogie im Deutschen Reich bis zum Ende der Staufer. Архівавана з першакрыніцы 30 верасня 2007. Праверана 13 снежня 2011.