Георг Ганс Райнгард

Георг Ганс Ра́йнгард (ням.: Georg-Hans Reinhardt; 1 сакавіка 1887 — 23 лістапада 1963) — нямецкі военачальнік, генерал-палкоўнік (1942), камандуючы групай армій «Цэнтр» (1944—1945).

Георг Ганс Райнгард
ням.: Georg-Hans Reinhardt
Дата нараджэння	1 сакавіка 1887(1887-03-01)
Месца нараджэння	Баўтцэн, акруга Баўтцэн[d], Каралеўства Саксонія, Германскі рэйх
Дата смерці	23 лістапада 1963(1963-11-23) (76 гадоў) ці 22 лістапада 1963(1963-11-22) (76 гадоў)
Месца смерці	Тэгернзэ[d], Тэгернзэ[d], раён Місбах[d], Верхняя Баварыя, Баварыя, Германія
Месца пахавання	Tegernsee Cemetery[d]
Грамадзянства	Германія
Прыналежнасць	Германская імперыя Веймарская рэспубліка Трэці рэйх
Род войскаў	Сухапутныя войскі
Гады службы	1907—1945
Званне	Генерал-палкоўнік Генерал-палкоўнік
Камандаваў	4-я танкавая дывізія (Германія)[d], 3-я танкавая армія[d] і Група армій «Цэнтр»
Бітвы/войны	Першая сусветная вайна Другая сусветная вайна
Узнагароды і званні	Германская імперыя Рыцарскі крыж Каралеўскага ордэна Дома Гогенцолернаў з мячамі Жалезны крыж 1-га класа Жалезны крыж 2-га класа Ваенны ордэн Святога Генрыха Трэці рэйх Рыцарскі крыж Жалезнага крыжа з Дубовым лісцем і Мячамі Ганаровы крыж ветэрана вайны (з мячамі) Медаль «У памяць 1 кастрычніка 1938» са спражкай «Пражскі замак» Медаль «За зімовую кампанію на Усходзе 1941—1942» За раненне ў чорным ФРГ Кавалер ордэна За заслугі перад ФРГ
Медыяфайлы на Вікісховішчы

Біяграфія

Нарадзіўся 1 сакавіка 1887 года ў Баўтцэне.

Паступіў на ваенную службу ў сакавіку 1907 года фанен-юнкерам (кандыдат у афіцэры), са жніўня 1908 года — лейтэнант.

Удзельнічаў у Першай сусветнай вайне (з верасня 1914 года — старшы лейтэнант). Пасля вайны застаўся на службе ў рэйхсверы, з сакавіка 1925 года — маёр (камандзір эскадрона ў кавалерыйскім палку), з лютага 1934 года — палкоўнік, з красавіка 1937 года — генерал-маёр. У лістападзе 1938 года назначаны камандзірам 4-й танкавай дывізіі.

Удзельнічаў у Польскай кампаніі, з 1 кастрычніка 1939 года — генерал-лейтэнант.

З лютага 1940 года камандаваў 41-м матарызаваным корпусам, з 1 чэрвеня 1940 года — генерал танкавых войскаў, удзельнічаў у Французскай кампаніі, разгроме Югаславіі і ўварванні ў СССР у складзе групы армій «Поўнач».

5 кастрычніка 1941 года прызначаны камандуючым 3-й танкавай групай пры наступленні на Маскву, працягваў камандаваць 3-й танкавай арміяй (перайменаваная 31 снежня 1941 года з 3-й танкавай групы) у складзе групы армій «Цэнтр» на працягу 1942—1944 гадоў, 1 студзеня 1942 года атрымаў чын генерал-палкоўніка.

Пасля разгрому нямецкай групы армій «Цэнтр» у Беларусі летам 1944 года, 16 жніўня 1944 года назначаны яе галоўнакамандуючым. На чале групы армій вёў упартыя баі супраць надыходзячых савецкіх войскаў, якія ў той час праводзілі завяршальны этап Беларускай стратэгічнай аперацыі, а таксама Ломжа-Ружанскую наступальную аперацыю і Сяроцкую наступальную аперацыю. Адхілены ад камандавання і адлічаны ў рэзерв 27 студзеня 1945 года за поўнае паражэнне ў пачатку Усходне-Прускай аперацыі.

У чэрвені 1945 года быў арыштаваны амерыканскімі акупацыйнымі ўладамі. У 1948 годзе амерыканскім ваенным судом прыгавораны да 15 гадоў турэмнага зняволення. Вызвалены ў 1952 годзе.

Памёр 23 лістапада 1963 года ў ФРГ.

Спасылкі

• На Вікісховішчы ёсць медыяфайлы па тэме Георг Ганс Райнгард