Герд Фальтынгс
Герд Фальтынгс (ням.: Gerd Faltings; нар. 28 ліпеня 1954, Гельзенкірхен-Бюрэ) — нямецкі матэматык, лаўрэат Філдсаўскай прэміі (1986), вядомы сваімі працамі ў галіне алгебраічнай геаметрыі.
| Герд Фальтынгс | |
|---|---|
| ням.: Gerd Faltings | |
 | |
| Дата нараджэння | 28 ліпеня 1954[1][2][…] (70 гадоў) |
| Месца нараджэння | |
| Грамадзянства | |
| Род дзейнасці | матэматык, выкладчык універсітэта |
| Навуковая сфера | алгебраічная геаметрыя і тэорыя лікаў |
| Месца працы | |
| Навуковая ступень | доктарская ступень[d][3] |
| Альма-матар | |
| Навуковы кіраўнік | Ганс-Ёахім Настольд[d] |
| Член у | |
| Узнагароды |
 прэмія імя Дэні Хайменама[d] (1983) Філдсаўская прэмія (1986) грант Гугенхайма (1988) прэмія імя Лейбніца[d] (1996) прэмія Штаўта[d] (2008) медаль Кантара[d] (2017) |
| Сайт | hcm.uni-bonn.de/p… (англ.) |
 Медыяфайлы на Вікісховішчы | |
З 1972 па 1978 гады вывучаў матэматыку і фізіку ў Вестфальскім універсітэце імя Вільгельма. У 1978 годзе атрымаў ступень Ph.D. па матэматыцы, а ў 1981 годзе прайшоў хабілітацыю (і тое, і другое — у тым жа Вестфальскім універсітэце імя Вільгельма). З 1982 па 1984 гады быў прафесарам Вупертальскага ўніверсітэта, затым — прафесарам Прынстанскага ўніверсітэта (1985—1994).
У 1986 годзе ва ўзросце 32 гадоў Герд Фальтынгс быў удастоены Філдсаўскага медаля за доказ гіпотэзы Мардэла. З 1995 года з’яўляецца членам савета дырэктараў Інстытута матэматыкі таварыства Макса Планка ў Боне. У 1996 годзе атрымаў прэмію імя Лейбніца Нямецкага навукова-даследчага таварыства — вышэйшую германскую ўзнагароду для навукоўцаў-даследчыкаў.
У 2015 годзе разам з Хенрыкам Іванецам быў удастоены прэміі Шаа за ўвядзенне і развіццё базавых інструментаў тэорыі лікаў, якія дазволілі ім і іншым вырашыць некаторыя задачы, што сталі класічнымі.
Член Леапальдзіны (1992), Рэйнска-Вестфальскай АН (1999) і Еўрапейскай акадэміі (2014), Берлінска-Брандэнбургскай АН, член-карэспандэнт Гётынгенскай АН (1991), замежны член Лонданскага каралеўскага таварыства (2016), Нацыянальнай акадэміі навук ЗША.
Узнагароды
правіць- 1983 — Прэмія імя Дэні Хайнемана
- 1986 — Філдсаўская прэмія
- 1988 — Стыпендыя Гугенхайма
- 1996 — Прэмія імя Лейбніца
- 2008 — Прэмія Штаўта
- 2010 — Heinz Gumin Preis
- 2014 — Міжнародная прэмія караля Фейсала
- 2015 — Прэмія Шаа
- 2017 — Медаль Кантара
Зноскі
- ↑ MacTutor History of Mathematics archive — 1994. Праверана 22 жніўня 2017.
- ↑ Gerd Faltings // Brockhaus Enzyklopädie
- ↑ Deutsche Nationalbibliothek Record #118686003 // Агульны нарматыўны кантроль — 2012—2016. Праверана 2 красавіка 2015.
- ↑ https://www.leopoldina.org/fileadmin/redaktion/Mitglieder/CV_Faltings_Gerd_D.pdf
- ↑ https://www.ae-info.org/ae/User/Faltings_Gerd
- ↑ https://royalsociety.org/people/gerd-faltings-12864