Герман Цітоў (спявак)

Ге́рман Ціто́ў, сапраўднае імя Дзмі́трый Сярге́евіч Карпі́нчык (нар. 20 мая 1985, г. Кобрын, Брэсцкая вобласць, БССР, СССР) — беларускі эстрадны спявак, кампазітар, тэле- і радыёвядучы.

Герман Цітоў
Дата нараджэння	20 мая 1985(1985-05-20) (39 гадоў)
Месца нараджэння	Кобрын, Кобрынскі раён, Брэсцкая вобласць, БССР, СССР
Альма-матар	Гродзенскі дзяржаўны каледж мастацтваў[d] Беларускі дзяржаўны ўніверсітэт культуры і мастацтваў
Музычная дзейнасць
Прафесіі	спявак, кампазітар, тэлевядучы, радыёвядучы
Інструменты	вакал
germantitov.by

Біяграфія

Нарадзіўся 20 мая 1985 год ў Кобрыне ў сям’і Сяргея і Таццяны Карпінчыкаў (у дзявоцтве Цітова). Вучыўся ў СШ № 2 і Дзіцячай школе мастацтваў г. Кобрына. Скончыў Гродзенскі дзяржаўны каледж мастацтваў. Дыпламант II Усебеларускага фестывалю «Беларусь — мая песня», пераможца тэлепраекта «Зорны дыліжанс» (2005), фіналіст расійскага тэлепраекта «Сакрэт поспеху» (2007).

Псеўданім Герман узяў пасля сыходу з прадзюсарскага цэнтра «Спамаш», пазней дадалося Цітоў па дзявоцкім прозвішчы маці. Прадзюсаваўся ў Уладзіміра Кубышкіна.

З чэрвеня 2009 года вядучы праграмы «Наша раніца» тэлеканала АНТ. У 2012 годзе скончыў Факультэт інфармацыйна-дакументных камунікацый Беларускага дзяржаўнага ўніверсітэта культуры і мастацтваў.

Творчасць

Аўтар песень Ганны Шаркуновай, Іскуі Абалян, Ларысы Грыбалёвай, Уладзіміра Ухцінскага, а таксама расійскіх спевакоў Філіпа Кіркорава, Мікалая Баскава, Лаліты, Валерыя Лявонцьева, Азізы, Вадзіма Казачэнкі, Аляксандра Буйнова, Аляксандра Малініна і яго дачкі Усцінні.

Сям’я

Не жанаты. Мае сястру Анастасію. Маці Таццяна доўгі час працавала таваразнаўцам у краме прамтавараў.

Спасылкі

• Афіцыйны сайт
• Афіцыйная старонка Герман Цітоў у сацыяльнай сетцы «ВКонтакте»
• Герман Цітоў ў сацыяльнай сетцы «Instagram»