Глеб Вяжэвіч

Глеб Вяжэвіч — пачынальнік роду Глябовічаў, сын Вяжа Капатовіча.

Глеб Вяжэвіч
Нараджэнне	XV стагоддзе
Смерць	не пазней за 1480
Род	Глябовічы
Бацька	Вяж Капатовіч[d]
Жонка	Ганна Мілохна Рачкоўна[d]
Дзеці	Юрый Глябовіч, Станіслаў Глябовіч і Пётр Глябовіч

Паходжанне Глеба дакладна не высветлена і ёсць прадметам даследаванняў. З падачы Яна Глябовіча, канцлера літоўскага, Глябовічам прыпісвалі княжацкае і магнацкае паходжанне, ад Монтвіда, сына Гедзіміна, або ад Войцеха Манівіда (які, як і пазнейшыя Глябовічы, карыстаўся гербам «Ляліва»). Так, Барталамей Папроцкі называў Глеба ўнукам Монтвіда і тытулаваў ваяводай смаленскім. Аднак, надзейных крыніц пра такое сваяцтва няма. Уладзіслаў Сямковіч, прааналізаваў генеалогію Манівідавічаў і не пацвердзіў, што Вяж быў іх родзічам. Сяргей Рыбчонак тлумачыць згадку Глеба як смаленскага ваяводы тым, што намеснікам у Смаленску быў яго брат Івашка Вяжэвіч, і праз гэта сувязь Глябовічаў са Смаленскам увайшла ў родавае паданне і генеалагічныя працы, а на самой справе Глеб не меў ніякага дачынення да Смаленска.

Паводле Рымвідаса Пятраўскас, жонкай Глеба была Мілохна Рачкаўна, з ёю ён меў сыноў Юрыя, Станіслава і Пятра, дачку Марыну.

Літаратура

• Рыбчонак С. Да праблемы паходжання магнатаў Глябовічаў — уладальнікаў Заслаўскага замка ў XVI ст. // Магнацкі двор і сацыяльнае ўзаемадзеянне (XV—XVIII стст.) : зб. навук. пр. / Уст. "Музей «Замкавы комплекс „Мір“»"; пад рэд. А. М. Янушкевіча. — Мінск: Медысонт, 2014. — С. 79-104.
• Рыбчонак С. Радавод Вяжэвічаў у XV — сярэдзіне XVI ст. // Герольд Litherland. — Горадня-Менск: 2021. — № 22. — С. 4-21, 161.