Арол (горад)

Арол (руск.: Орёл) — горад (з 1708 года) у Расіі, адміністрацыйны цэнтр Арлоўскай вобласці. Насельніцтва 311,6 тыс. чалавек (2019). Горад размешчаны ў межах Сярэднярускага ўзвышша, на берагах ракі Акі і яе прытока Орліка.

Горад Арол руск.: Орёл Сцяг Герб Краіна Расія Рэгіён Арлоўская вобласць Каардынаты 52°58′ пн. ш. 36°05′ у. д. Кіраўнік Q24642334? Заснаваны 1566 Горад з 1566 Плошча 121,21 км² Вышыня цэнтра 170 м Насельніцтва ▼ 311 625 чалавек (2019) Часавы пояс UTC+3 Тэлефонны код 4862 Паштовы індэкс 302 Паштовыя індэксы 302000 — 302999 Аўтамабільны код 57 Афіцыйны сайт orel-adm.ru Арол на карце Расіі ±

Арол на Вікісховішчы

Гісторыя

Заснаваны ў 1566 годзе як крэпасць для абароны паўднёвых межаў Рускай дзяржавы. У пачатку 17 ст. — адзін з цэнтраў Сялянскага паўстання пад правадырствам І. І. Балотнікава. У 1708 годзе ўваходзіў у склад Кіеўскай губерні, а з 1719 года — цэнтр Арлоўскай правінцыі, з 1727 года — у складзе Белгародскай губерні, з 1778 года — цэнтр Арлоўскай губерні. У 18-19 стст. дваранска-купецкі горад з прадпрыемствамі па апрацоўцы сельскагаспадарчай сыравіны, ліцейнымі і механічнымі заводамі; буйны цэнтр хлебагандлю. З 1928 года знаходзіўся ў складзе Цэнтральна-Чарназёмнай вобласці, з 1934 года — у Курскай вобласці, з 1937 года — цэнтр Арлоўскай вобласці. 3 кастрычніка 1941 года быў акупаваны гітлераўскімі войскамі.

Вядомыя ўраджэнцы і жыхары

• Міхаіл Міхайлавіч Бахцін, рускі філосаф
• Іван Аляксандравіч Фамін, рускі савецкі архітэктар
• Віктар Цімафеевіч Лебедзеў (нар. 1932) — беларускі акцёр.

Транспарт

• Арлоўскі трамвай

Беларусы ў Арле

Беларусы з'яўляюцца чацвёртай нацыянальнасцю горада пасля рускіх, украінцаў, армян і ў агульнай колькасці жыхароў займаюць (0,28 %). У Арле нарадзіўся беларускі фізік Мікалай Сяргеевіч Акулаў.

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн.: БелЭн, 1996. ISBN 985-11-0036-6.