Адкрыць галоўнае меню
Горад
Блэкберн
англ.: Blackburn

Blackburn Lancashire Townscape.jpg

Краіна
Рэгіён
Графства
Каардынаты
Плошча
4,291 км²
Насельніцтва
119 707 чалавек (2017)
Часавы пояс
Тэлефонны код
01254
Афіцыйны сайт
Блэкберн на карце Вялікабрытаніі
Блэкберн (Вялікабрытанія)
Блэкберн

Блэ́кберн (англ.: Blackburn) — горад у Вялікабрытаніі, у графстве Ланкашыр на паўночным захадзе Англіі, адміністрацыйны цэнтр унітарнай адзінкі Блэкберн-уіт-Даруэн. Насельніцтва 106 тыс. чал. (2002). Размешчаны ў даліне р. Колдэр, на канале Ліверпул — Лідс, за 32 км на паўночны захад ад Манчэстэра. Чыгуначны вузел.

ГісторыяПравіць

Узнік у 9-10 стст. Старадаўні тэкстыльны цэнтр, з 13 ст. развівалася воўнапрадзенне, з 17 ст. — бавоўнаткацтва. У 1764 годзе ў Блэкберне была пабудавана вынайдзеная Дж. Харгрыўсам прадзільная машына[ru] (названа «Джэні» ў гонар яго дачкі). Хутка развіваўся пасля пабудовы ў 1816 канала Ліверпул — Лідс; асабліва вылучаліся тэкстыльная прамысловасць і вуглездабыча, якая была спынена ў 1918 годзе[1].

ЭканомікаПравіць

Развіта піваварства; завод «Туэйтс» (заснаваны ў 1807) — адзін з найбуйнейшых вытворцаў элю ў Вялікабрытаніі. Прадпрыемствы радыёэлектроннай (вытворчасць кампакт-дыскаў, тэле- і радыёдэталяў і інш.), хімічнай (фарбы, гума, пластыкі), папяровай прамысловасці. Традыцыйныя вытворчасці (баваўняных тканін, дываноў, гарбарных вырабаў) перажываюць заняпад. У сферы паслуг, у якой занята больш за 60 % эканамічна актыўнага насельніцтва, вылучаецца гандаль. Крыты рынак Блэкберна — адзін з найбуйнейшых у краіне[1].

АдукацыяПравіць

Каледж Блэкберна (заснаваны ў 1837 як Тэалагічная семінарыя; з 1859 каледж)[1].

КультураПравіць

Музей і мастацкая галерэя (1862), Музей тэкстылю Льюіса (1938; тэкстыльнае абсталяванне пачатку прамысловай рэвалюцыі) і інш. Тэатр «Туэйтс», канцэртная зала[1].

СлавутасціПравіць

 
Ратуша

Сярод архітэктурных помнікаў віктарыянскай эпохі — будынкі Ратушы, фондавай біржы і інш. Кафедральны сабор (1820)[1].

СпортПравіць

Горад славіцца сваім футбольным клубам «Блэкберн Роверс», заснаваным у 1875 годзе і праводзячым хатнія матчы на стадыёне «Івуд Парк». Клуб тройчы станавіўся чэмпіёнам Англіі, шэсць разоў выйграваў Кубак краіны і адзін раз Кубак Футбольнай лігі. Таксама «Роверс» у розныя гады траплялі ў Кубак УЕФА.

Гарады-пабрацімыПравіць

Зноскі

  1. 1,0 1,1 1,2 1,3 1,4 Блэкберн / В. М. Сокольский // «Банкетная кампания» 1904 — Большой Иргиз. — М. : Большая Российская энциклопедия, 2005. — С. 615. — (Большая российская энциклопедия : [в 35 т.] / гл. ред. Ю. С. Осипов; 2004—). — ISBN 5-85270-331-1.
  2. Miasta Partnerskie. Праверана 1 мая 2014.

ЛітаратураПравіць