Джак’якарта

(Пасля перасылкі з Горад Джак'якарта)

Джак’яка́рта (індан.: Yogyakarta), скарочана Джок’я (індан.: Yogya, Jogja) — горад на востраве Ява ў Інданезіі, адміністрацыйны цэнтр аднайменнай асаблівай акругі. Насельніцтва (2012 г., разам з прыгарадамі) — 2 389 200 чал. Джак’якарту часцяком называюць культурнай сталіцай Явы.

Горад
Джак'якарта
Yogyakarta
Герб Сцяг
Герб Сцяг
Джалан-Малібора
Джалан-Малібора
Краіна
Каардынаты
Заснаваны
7 кастрычніка 1756
Плошча
32.5 км²
Вышыня цэнтра
113 м
Тып клімату
экватарыяльны
Насельніцтва
  • 422 732 чал. (2017)
Нацыянальны склад
пераважна яванцы
Часавы пояс
Тэлефонны код
+62 274
Паштовыя індэксы
55111–55792
Аўтамабільны код
AB
Афіцыйны сайт
jogjakota.go.id (індан.)
Джак'якарта на карце Інданезіі
Джак’якарта (Інданезія)
Джак’якарта
Джак’якарта (Інданезія)
Джак’якарта

Гісторыя правіць

Да сярэдзіны XVIII ст. на месцы Джак’якарты існавала некалькі буйных паселішчаў. У 1755 г. вылучана як сталіца асобнага султаната Джак’якарта. Яе першапачатковым цэнтрам з’яўлялася Кота-Гедэ, сталіца султаната Матарам. У 17581765 гг. быў пабудаваны новы адміністрацыйны комплекс Таман-Сары. У 1812 г. горад пацярпеў ад захопу брытанскімі салдатамі.

У 1945 г. султан Хаменгкубавона IX падтрымаў барацьбу за незалежнасць Інданезіі. У 19461948 гг. у Джак’якарце месціўся інданезійскі ўрад. У 1950 г. была створана асаблівая акруга Джак’якарта, у якой горад Джак’якарта выконвае функцыю адміністрацыйнага цэнтра.

Эканоміка правіць

Галоўнымі галінамі эканомікі горада Джак’якарта з’яўляюцца перапрацоўчая і тэкстыльная прамысловасць, транспарт, гандаль, банкаўская справа і турызм. Турызм дае болей за 20 % прыбыткаў. З развіццём турыстычнай сферы шчыльна звязана рамесная вытворчасць. Джак’якарта — сусветна вядомы цэнтр батыка. Вуліца Джалан-Малібора паміж палацам султана і чыгуначнай станцыяй славутая гандлёвымі і культурнымі ўстановамі.

Культура правіць

Горад Джак’якарта часцяком называюць культурнай сталіцай Явы. У ім працуе 10 вышэйшых навучальных устаноў, у тым ліку інданезійская Акадэмія мастацтваў, некалькі музеяў і мастацкіх галерэй. У Джак’якарце зберагаюцца традыцыі ювелірнага мастацтва і вытворчасці батыка, старажытны традыцыйны тэатр, арганізуюцца выставы і фестывалі.

Зноскі

Спасылкі правіць