Кале

Кале́ (фр.: Calais [kaˈlɛ]) — горад у Францыі, порт у праліве Па-дэ-Кале, найбуйнейшы па колькасці насельніцтва горад дэпартамента Па-дэ-Кале. Кале з’яўляецца найбліжэйшым да Англіі населеным пунктам Францыі, адлегласць па прамой да Англіі складае 34 кіламетры. Паміж Кале і англійскім Дуўрам курсіруе паром, з 1994 годзе адкрыта рух па чыгуначным тунэлі ад прыгарада Кале Какеля да англійскага Фолкстана.

Горад Кале фр.: Calais Герб Сцяг Бронзавая скульптура Грамадзяне Кале Агюста Радэна і Атэль-дэ-Віль Краіна Францыя Рэгіён О-дэ-Франс Дэпартамент Па-дэ-Кале Каардынаты 50°56′53″ пн. ш. 1°51′23″ у. д. Мэр Наташа Бушар (СНД) 2008—2014 Плошча 33,50 км² Вышыня цэнтра 5 м Насельніцтва 74336 чалавек (2009) Шчыльнасць 2219 чал./км² Часавы пояс UTC+1, летам UTC+2 Паштовыя індэксы 62100 Code INSEE 62193 Афіцыйны сайт mairie-calais.fr (фр.) Кале на карце Францыі

Медыяфайлы на Вікісховішчы

Насельніцтва — 74 336 тыс. жыхароў (2009).

Гісторыя

Асноўны артыкул: Англійскі Кале

План горада (1888 год)

«Узяцце Кале герц. Гізам у 1558 г.» Франсуа Эдуар Піко

У XIII стагоддзі Кале быў пераўтвораны графам Булонскім з рыбацкай вёсачкі ў буйную прыбярэжную крэпасць. Пасля перамогі пры Крэсі (1346) англійскі кароль Эдуард III не мог узяць Кале на працягу цэлага года. Падзеі аблогі ўвекавечаны ў помніку грамадзянам Кале, які стварыў па замове горада Радэн. Англічане працягвалі валодаць горадам да 1558 года, калі ў Марыі Цюдор яго адваяваў герцаг Гіз. Гэта была апошняя тэрыторыя Англіі ў кантынентальнай Еўропе. Канчаткова Кале за Францыяй замацаваў Ката-Камбрэзійскі мір.

Эканоміка

Кале з’яўляецца найбуйнейшым транспартным вузлом на поўначы Францыі. Па паромнай лініі паміж Кале і англійскім Дуўрам перавозіцца асноўны паток тавараў паміж дзвюма краінамі. Пасля адкрыцця ў 1994 годзе чыгуначнага тунэля абарот паромных перавозак скараціўся, у выніку чаго адна з дзвюх кампаній- аператараў паромаў — SeaFrance — разарылася і ў наш час знаходзіцца ў стадыі ліквідацыі. З іншага боку, дзякуючы адкрыццю тунэля, пасажырапаток праз Кале рэзка ўзрос. У наш час ён складае больш за 10 мільёнаў чалавек у год.

Машынабудаванне, хімічная, харчовая прамысловасць. Старадаўняя вытворчасць карунак, цюлю, гафту.

Структура занятасці насельніцтва:

• сельская гаспадарка — 0,3 %
• прамысловасць — 13,9 %
• будаўніцтва — 5,2 %
• гандаль, транспарт і сфера паслуг — 45,7 %
• дзяржаўныя і муніцыпальныя службы — 34,9 %

Дэмаграфія

Дынаміка колькасці насельніцтва, чал.

Палітыка

Адміністрацыю Кале з 2008 года ўзначальвае член партыі Саюз за народны рух, сенатар Наташа Бушар. На муніцыпальных выбарах 2008 года ўзначалены ёю правы блок атрымаў перамогу ў 2-м туры, атрымаўшы 54,02 % галасоў, перапыніўшы 37-гадовае кіраванне камуністаў у Кале.

Муніцыпальныя выбары 2008 года (2 тур)

	Кандыдат	Партыя	% галасоў
	Наташа Бушар	Саюз за народны рух	54,02
	Жакі Энен	Камуністычная партыя	45,98

Гарады-пабрацімы

•  Бардзеёў, Славакія (6 верасня 2002)
•  Брэіла, Румынія (8 мая 2002)
•  Вісмар, Германія (снежань 1971)
•  Дуйсбург, Германія (25 чэрвеня 1964)
•  Дуўр, Вялікабрытанія (чэрвень 1973)
•  Рыга, Латвія (19 лістапада 1976)
•  Сянтань^[d], Кітай (2017)
•  Фанга^[d], Малі (2005)

Спасылкі

• Нацыянальны інстытут статыстыкі