Нук

Нук (Ну́ўк, дацк.: Nuuk, грэнл.: Nuuk), або Го́тхаб (дацк.: Godthåb) — горад, адміністрацыйны цэнтр самакіравальнай тэрыторыі Грэнландыя ў складзе Каралеўства Даніі, а таксама аднайменнага муніцыпалітэта Заходняй Грэнландыі. Да 1979 года афіцыйна ўжывалася назва Готхаб.

Нук грэнл.: Nuuk Герб Сцяг Краіна  Грэнландыя Каардынаты 64°10′30″ пн. ш. 51°44′00″ з. д. Заснаваны 1721 Плошча 686,3 км² Вышыня цэнтра 5 м Насельніцтва ▲18 326 чал. (1 студзеня 2020) Часавы пояс UTC-3 Тэлефонны код 31, 32, 33, 34, 35, 36 Паштовыя індэксы 3900 Афіцыйны сайт sermersooq.gl (грэнландск.)​ (дацк.) Нук на карце Грэнландыі

Медыяфайлы на Вікісховішчы

Гісторыя

Горад заснаваны ў 1728 годзе нарвежскім місіянерам Хансам Эгедэ (Hans Egede), аднак паселішчы на яго месцы існавалі і раней, найстарэйшае з вядомых — 4 200 гадоў таму. У IX—XV стагоддзях у гэтай мясцовасці жылі скандынаўскія каланісты, якія пасля пакінулі паселішча. Таксама тут было летняе месца сустрэчы эскімосаў, якія жылі ў гэтым рэгіёне. Эгедэ прыбыў сюды ў 1721 годзе каб навярнуць у лютэранства 12 мясцовых эскімоскіх сем’яў. Эгедэ даў гораду назву Готхаб (Godthåb), у перакладзе з дацкай мовы «добрая надзея». З 1733 года місіянерамі тут былі Хернхуцкія браты, якія заснавалі місію Новы Хернхут. Цяпер у царкве размешчаны ўніверсітэт і мясцовы архіў. З 1979 года, калі была абвешчана аўтаномія Грэнландыі, горад афіцыйна носіць эскімоскае імя Нук, у тым ліку і на дацкай мове.

Клімат

Клімат субарктычны. Праз блізкасць Бафінава заліва і цёплага цячэння перапад тэмператур адносна невялікі. Большай часткай года стаіць мінусавая тэмпература, сярэдняя тэмпература найбольш халодных месяцаў −8 °C. Сярэдняя тэмпература ліпеня +6,5 °C.

Клімат Нука
Паказчык	Сту	Лют	Сак	Кра	Май	Чэр	Ліп	Жні	Вер	Кас	Ліс	Сне	Год
Абсалютны максімум, °C	12,9	13	13,4	13	18,3	21,5	26,3	22	22,8	18,9	16,3	13,2	26,3
Сярэдні максімум, °C	−5,5	−6,2	−5,3	−0,9	3,6	8,2	10,9	9,9	6,5	1,9	−1,2	−3,3	1,6
Сярэдняя тэмпература, °C	−8	−9	−8,1	−3,7	0,6	4,1	6,5	6,3	3,7	−0,3	−3,4	−6	−1,4
Сярэдні мінімум, °C	−10,2	−11,4	−10,3	−5,4	−1,1	2,1	4,2	4,3	2,1	−1,8	−5,2	−7,8	−3,4
Абсалютны мінімум, °C	−32,5	−28,5	−27,5	−20	−15	−4	−3,1	−2,5	−6,5	−16,6	−23	−22,8	−32,5
Норма ападкаў, мм	39	47	50	46	55	62	82	89	88	70	74	34	736
Тэмпература вады, °C	0	0	0	1	1	3	4	4	3	2	1	0	2
Крыніца: Надвор'е і Клімат, World Climate Guide

Гарады-пабрацімы

• Вантаа, Фінляндыя
• Куксхафен, Ніжняя Саксонія, Германія
• Ольбарг, Данія
• Рэйк’явік, Ісландыя
• Ушуая, Аргенціна

Гл. таксама

• Грэнландскі ўніверсітэт

Літаратура

• Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).

Спасылкі

• На Вікісховішчы ёсць медыяфайлы па тэме Нук