Гродзенскі дзяржаўны медыцынскі ўніверсітэт

Гродзенскі дзяржаўны медыцынскі ўніверсітэт (ГрДМУ) — вышэйшая медыцынская навучальная ўстанова г. Гродна.

Гродзенскі дзяржаўны медыцынскі ўніверсітэт (ГрДМУ)
Міжнародная назва	Grodno State Medical University
Заснаваны	1958
Тып	дзяржаўны
Рэктар	Ігар Георгіевіч Жук
Рэктар	Леанард Феліксавіч Супрон, Дзмітрый Андрэевіч Маслакоў, Пётр Васілевіч Гарэлік, Віктар Аляксандравіч Сняжыцкі, Алена Мікалаеўна Краткова і Ігар Георгіевіч Жук
Размяшчэнне	Беларусь, Гродна
Юрыдычны адрас	230009 Гродна, вул. Горкага, 80
Сайт	grsmu.by
Медыяфайлы на Вікісховішчы

Гісторыя

З’яўляецца гістарычным правапераемнікам Гродзенскай медыцынскай акадэміі (1775—1781 гг.). 9 жніўня 1958 г. рашэннем Савета Міністраў БССР было прынята рашэнне аб адкрыцці Гродзенскага медыцынскага інстытута. Першапачаткова існаваў толькі лячэбны факультэт. Пазней, у 1970 г. было адкрыта падрыхтоўчае аддзяленне, у 1979 г. — педыятрычны факультэт. У 1991 г. упершыню ў Беларусі арганізавана аддзяленне медыцынскіх сясцёр з вышэйшай адукацыяй, а ў 1995 г. арганізаваны факультэт замежных студэнтаў. У 1993 г. упершыню ў Беларусі пры ГрГМІ адкрыты медыка-псіхалагічны факультэт.

У 2000 г. ГрГМІ быў прысвоены статус універсітэта.

Сучасны стан

Гродзенскі дзяржаўны медыцынскі ўніверсітэт налічвае 45 кафедраў, мае 4 навучальныя корпусы, 4 студэнцкія інтэрнаты, 2 спартыўныя залы, навуковую бібліятэку.

У цяперашні час у ГрДМУ працуюць:

• цэнтральная навукова-даследчая лабараторыя
• лабараторыі па вывучэнню газатранспартнай функцыі крыві
• вывучэнню эпідэміялогіі, дыягностыкі і лячэння наркаманіі і алкагалізму
• па дыягностыцы і лячэнні арытміі сэрца
• рэспубліканскі гепаталагічны цэнтр
• камп’ютарна-інфармацыйны цэнтр.

Факультэты

• Лячэбны факультэт
• Педыятрычны факультэт
• Медыка-псіхалагічны факультэт
• Медыка-дыягнастычны факультэт
• Факультэт замежных навучэнцаў
• Факультэт павышэння кваліфікацыі і перападрыхтоўкі

Рэктары

• Леанард Феліксавіч Супрон (1958—1962)
• Дзмітрый Андрэевіч Маслакоў (1962—1998)
• Пётр Васілевіч Гарэлік (1998—2010)
• Віктар Аляксандравіч Сняжыцкі (2010—2020)
• Алена Мікалаеўна Краткова (21 верасня 2020 — 6 снежня 2021)
• Ігар Георгіевіч Жук (з 21 сакавіка 2022)

Вядомыя выкладчыкі і выпускнікі

• Юрый Іванавіч Бандажэўскі
• Міхаіл Іванавіч Аўсяннікаў (нар. 1924) — оталарынголаг, доктар медыцынскіх навук, прафесар
• Лідзія Іларыёнаўна Гакінаева (1905—1990) — доктар медыцынскіх навук, загадчык кафедрай дэрматавенералогіі ў 1963—1977 гг.
• Ігар Канстанцінавіч Жмакін (нар. 1926) — доктар медыцынскіх навук, прафесар. З 1961 г. прарэктарпа навуковай і навучальнай частцы, з 1969 г. загадчык кафедрай нармальнай фізіялогіі.
• Уладзімір Максімавіч Калтанюк (1921—2002) — выпускнік 1966 г., доктар медыцынскіх навук, дэкан лячэбнага факультэта ў 1990—1997 гг.
• Іван Іванавіч Канус
• Міхаіл Васільевіч Караблёў (1923—1987) — доктар медыцынскіх навук, прафесар, у 1960—1987 гг. загадчык кафедрай фармакалогіі
• Андрэй Георгіевіч Майсяёнак
• Ніна Фёдараўна Сіляева

Спасылкі

• На Вікісховішчы ёсць медыяфайлы па тэме Гродзенскі дзяржаўны медыцынскі ўніверсітэт
• Сайт медыка-псіхалагічнага факультэта Архівавана 13 чэрвеня 2012. med-psy.com
• Афіцыйны сайт