Гродна (гасцініца)
«Гродна» — гасцініца ў Гродне, размешчаная па вуліцы Паповіча, 5. Пабудавана ў 1985 годзе па праекце архітэктараў Ю. Патапава, У. Папова, У. Еўдакімава, Ю. Раманава.
| Гродна | |
|---|---|
 | |
| Краіна | |
| Месцазнаходжанне | |
| Канец будаўніцтва | 1985 |
| Архітэктар | Юрый Фёдаравіч Патапаў, У. Папоў[d], Уладзімір Мікітавіч Еўдакімаў і Юрый Іванавіч Раманаў |
Архітэктура правіць
Першапачаткова была разлічана на 500 месцаў. Размешчана ў грамадскім цэнтры, які ўключае таксама рэстаран «Гродна» і кінатэатр «Кастрычнік». Кампазіцыйны цэнтр забудовы часткі вуліцы. Сілуэт ступеньчатага шаснаццаціпавярховага будынка актыўна ўспрымаецца з розных пунктаў горада. Жылы корпус складанай канфігурацыі і злучаны з ім будынак кінатэатра ўтвараюць адзіны комплекс, кампазіцыя якога заснаваная на кантрасце вышыннай жылой часткі і гарызантальнай пластыкі вынесенага двухпавярховага аб’ёму і будынка кінатэатра. Вакол цэнтральнай восі будынку гасцініцы — лесвічна-ліфтавага ядра — згрупаваны жылыя нумары. Засцерагальныя і нясучыя сцены будынка зробленыя з цэглы і абліцаваны керамічнай пліткай. У памяшканнях грамадскага прызначэння для афармлення інтэр’ераў выкарыстаны маналітныя жалезабетонныя дэкаратыўныя элементы, абліцоўка з граніту і мармуру, дэкаратыўныя свяцільні.
Для добраўпарадкавання тэрыторыі выкарыстаны дэкаратыўныя бетонныя пліты, каскадны фантан, кветнікі.
Рэканструкцыя правіць
Да 2016 года гасцініца маральна састарэла. Частку памяшканняў здавалі пад офісы, тры паверхі — пад жытло[1]. У 2016 годзе яе выкупіла гандлёва-прамысловая карпарацыя «Цюань Шэн» з правінцыі Ганьсу (Кітай) за $ 3,1 млн. У рэканструкцыю аб’екта інвестар планаваў укласці $ 15 млн. Там павінен быў з’явіцца гасцінічны комплекс Echeng з бізнес-цэнтрам, рэстаранамі, фітнес-цэнтрам, барам і начным клубам. У 2018 годзе пачалі працы па рэканструкцыі будынка. У 2020 годзе іх перапынілі праз пандэмію, але так і не аднавілі[2]. Лёс праекта вырашыўся ў 2023 годзе пасля паездкі дэлегацыі Гродзенскай вобласці ў Кітай, у правінцыю Ганьсу[3]. Гасцініцу вырашылі дабудоўваць у рамках інвестыцыйных праектаў па дзяржаўнай праграме «Беларусь гасцінная».[4]
Крыніцы правіць
- ↑ Что происходит в гостинице «Гродно» после продажи китайцам (+фото) (руск.). Вечерний Гродно (15 красавіка 2016). Праверана 14 лютага 2024.
- ↑ Китайцы не отказываются от гостиницы «Гродно». У них проблемы с финансированием (руск.). Hrodna.life - русская версия (23 сакавіка 2021). Праверана 14 лютага 2024.
- ↑ Восстанавливать Фару Витовта — это «кощунство», а судьба гостиницы «Гродно» будет решаться в Китае. Владимир Караник про строительство в Гродно (руск.). Hrodna.life - русская версия (14 лютага 2024). Праверана 14 лютага 2024.
- ↑ Цыганок, В.. Станет ли Гродно в 2024 году более привлекательным для горожан и туристов?(нявызн.). www.grodnoplustv.by. Праверана 14 лютага 2024.
Літаратура правіць
- «Гродна» // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.