Гётынгенская акадэмія навук
Гётынгенская акадэмія навук (ням.: Akademie der Wissenschaften zu Göttingen) — грамадская некамерцыйная арганізацыя ў Гётынгене, галоўны навукова-даследчы цэнтр Ніжняй Саксоніі, член Саюза Акадэмій навук Германіі.
| Гётынгенская акадэмія навук | |
|---|---|
 | |
| Краіна | |
| Адміністрацыйны цэнтр | Гётынген, Германія |
| Тып арганізацыі | акадэмія навук |
| Афіцыйная мова | нямецкая |
| Кіраўнікі | |
| Прэзідэнт | Штэфан Тангерман |
| Віцэ-прэзідэнт | Томас Каўфман |
| Заснаванне | |
| Дата заснавання | 1751 |
| Член у | |
| adw-goe.de/startseite/ | |
 Медыяфайлы на Вікісховішчы | |
Гісторыя правіць
Гётынгенская акадэмія навук была створана ў 1751 годзе па распараджэнні курфюрста Георга II як навуковы сход курфюрства Гановер і такім чынам з’яўляецца другім па старшынстве дзяржаўным навуковым сходам Германіі (пасля Берлінскай акадэміі навук).
Асаблівасцю новай установы, якая адрознівала яго ад іншых акадэмій навук XVIII стагоддзя, была вельмі цесная сувязь з універсітэтам. У сутнасці абедзве арганізацыі першапачаткова задумваліся як узаемазлучаная сістэма: задачай універсітэта абвяшчалася «навучанне юнацтва», у абавязкі ж акадэміі ўваходзіла «ажыццяўляць даследаванні і спрыяць росквіту навук»[4]. Зыходзячы з гэтага, членам Акадэміі мог стаць любы прафесар з Georgia Augusta, які вырашыў прысвяціць сябе не столькі выкладанню, колькі навукова-даследчай дзейнасці. Так, першым прэзідэнтам Акадэміі навук стаў адзін з кіраўнікоў Гётынгенскага ўніверсітэта, славуты анатам Альбрэхт Галер (1708—1777). Сёння Акадэмія па сутнасці з’яўляецца навукова-даследчым і экспертным цэнтрам пры Універсітэце.
Структура правіць
Гётынгенская акадэмія навук мае класічнае для навуковых таварыстваў Германіі падзел на класы. З моманту заснавання і па цяперашні час вылучаецца два класы: фізіка-матэматычны і гісторыка-філалагічны. Аднак, залічэнне ў Акадэмію па адпаведным класе з’яўляецца фармальнасцю, паколькі асноўным прынцыпам Акадэміі абвешчаны прынцып міждысцыплінарнасці[5]. Агульнае кіраванне ажыццяўляе пленум — сход усіх правадзейных членаў Акадэміі. У перапынках паміж скліканнямі пленума адміністраванне даручана прэзідыуму ў складзе прэзідэнта, віцэ-прэзідэнта, старшыняў абодвух класаў і членаў акадэміі, прызначаных у прэзідыум па рашэнні Пленума[6]. Кіраўніком Акадэміі з’яўляецца прэзідэнт.
Праекты правіць
Цесная ўзаемасувязь з Гётынгенскім універсітэтам прадвызначыла асаблівую цікавасць Акадэміі да гісторыі нямецкай мовы і літаратуры. Сярод традыцыйных кірункаў навукова-даследчай дзейнасці — вывучэнне творчасці Ё. В. Гётэ і Братоў Грым. Сёння ў Акадэміі створаны пастаянныя рабочыя групы па складанні Слоўніка Гётэ (ням.: Goethe-Wörterbuch) і Энцыклапедыі казак (ням.: Enzyklopädie des Märchens).
Узнагароды правіць
Гётынгенская акадэмія навук уручае ўзнагароды: прэмію імя Дэні Гайнемана, медаль Ліхтэнберга і іншыя[7].
Зноскі правіць
- ↑ Global Research Identifier Database — 2015. Праверана 13 мая 2020.
- ↑ https://www.akademienunion.de/akademienunion/mitgliedsakademien
- ↑ https://www.nfdi.de/verein/#mitglieder
- ↑ Kurze Geschichte der AdW zu Göttingen(недаступная спасылка). Архівавана з першакрыніцы 15 кастрычніка 2010. Праверана 24 мая 2023.
- ↑ Struktur der AdW zu Göttingen. Архівавана з першакрыніцы 4 кастрычніка 2009. Праверана 5 снежня 2009.
- ↑ Звычайна акадэмік, займае пасаду старшыні ў адным з класаў, мае таксама статус віцэ-прэзідэнта, такім чынам на практыцы «ядро» прэзідыума складаюць не 5, а 3 чалавекі
- ↑ Akademie der Wissenschaften zu Göttingen: Kategorien. Архівавана з першакрыніцы 1 лютага 2015. Праверана 21 кастрычніка 2014.
Літаратура правіць
- Копелевич Ю. Х., Ожигова Е. П. Научные академии стран Западной Европы и Северной Америки / Отв. ред. член-корр. АН СССР С. Р. Микулинский; Рецензенты: А. М. Кулькин, Е. В. Соболева, П. Б. Шелищ; Институт истории естествознания и техники АН СССР. — Л.: Наука. Ленингр. отд-ние, 1989. — С. 212-221. — 416 с. — 1 550 экз. — ISBN 5-02-027247-7. (в пер.)