Гідраксільная група
(Пасля перасылкі з Гідраксіл)
Гідраксільная група (гідраксіл) — функцыянальная група OH арганічных і неарганічных злучэнняў, у якой атамы вадароду і кіслароду звязаны кавалентнай сувяззю. У арганічнай хіміі носіць таксама назву «спіртавой групы».
Атам кіслароду абумаўляе палярызацыю малекулы спіртоў. Адносная рухомасць атама вадароду прыводзіць да таго, што ніжэйшыя спірты ўступаюць у рэакцыі замяшчэння са шчолачнымі металамі. У неарганічнай хіміі ўваходзяць у склад асноў, у тым ліку, шчолачаў.