Гільяшыраванне — механічнае гравіраванне на паверхні металу сеткі крывых (хвалістых) ліній, якія пераплятаюцца ў заканамернай паслядоўнасці. Робіцца на спецыяльным гільяшыравальным станку, у якім стол, які нясе матэрыял для друкавальнай формы, і разец здзяйсняюць адначасовы складаны рух. Гільяшыраванне выкарыстоўваецца пры вырабе пячатных формаў для друкавання сетак на грашовых знаках, гербавых і паштовых марках, каштоўных паперах і дакументах.

Прыкладам адбітка з гільяшыраваных друкавальных формаў могуць служыць маркі «консульскай пошты» Расійскай імперыі (№ 41—48), фон марак СССР № 1017—1022 (ордэны і медаль мацярынства) і інш. Гільяшыраванне друкавальных формаў для паштовых марак зараз прымяняецца параўнальна рэдка. Як адзін са сродкаў абароны ад падробак, яно захавалася для друкавання грашовых знакаў, аблігацый, пашпартаў і г. д.

Прыклады правіць

Літаратура правіць

  • Гільяшыраванне // Большой филателистический словарь / Н. И. Владинец, Л. И. Ильичёв, И. Я. Левитас, П. Ф. Мазур, И. Н. Меркулов, И. А. Моросанов, Ю. К. Мякота, С. А. Панасян, Ю. М. Рудников, М. Б. Слуцкий, В. А. Якобс; под общ. ред. Н. И. Владинца и В. А. Якобса. — М.: Радио и связь, 1988. — 320 с. — 40 000 экз. — ISBN 5-256-00175-2.
  • Гільяшыраванне // Филателистический словарь / Сост. О. Я. Басин. — М.: Связь, 1968. — 164 с.