Гірсу

Гірсу (араб. جيرسو‎‎), у нашы дні Тэло (араб. تيلوه‎‎) — помнік археалогіі на месцы аднайменнага шумерскага горада за 250 км на паўднёвы ўсход ад Багдада, сталіцы Ірака.

Славутасць
Гірсу
31°37′00″ пн. ш. 46°09′00″ у. д.
Краіна	Ірак
Месцазнаходжанне	мухафаза Ды-Кар[d]
Медыяфайлы на Вікісховішчы

Руіны Гірсу

Гірсу быў заснаваны ў пачатку 3 тысячагоддзя да н. э. і з’яўляўся важным сельскагаспадарчым цэнтрам паміж Тыграм і Еўфратам. Заступнікам горада лічыўся бог вайны і земляробства Нінгірсу.

Першапачаткова Гірсу знаходзіўся ў залежнасці ад Лагаша. Тут кіравалі такія вядомыя палітычныя жыхары Шумера, як Уруінімгіна і Гудэа. У эпоху трэцяй дынастыі Ура ператварыўся ў адміністрацыйны цэнтр асобнай правінцыі. Пасля заняпаду Ура згубіў сваю значнасць, але заставаўся населеным амаль да канца 1 тысячагоддзя да н. э.

Археалагічныя даследаванні пачаліся ў 1877 годзе. Месцазнаходжанне Гірсу — адзін з найлепей даследаваных археалагічных помнікаў старажытнага Шумера. Тут было знойдзена каля 50 тысяч клінапісных таблетак.

Спасылкі

• На Вікісховішчы ёсць медыяфайлы па тэме Гірсу
• Iraq Significant Site 109 — Tello (ancient: Girsu) Архівавана 14 лістапада 2020.
• Excavations at Girsu