Дадатны лік

Дада́тны лік — рэчаісны лік, большы за нуль. Для абазначэння дадатнасці ўжываецца знак «+», які ставіцца перад лічбавым абазначэннем ліка:

Сімвалы плюс і мінус выкарыстоўваюцца для адлюстравання знака ліку

$+1$ (чытаецца «плюс адзін»)

$+23$ (чытаецца «плюс дваццаць тры») і г.д.

Знак «+», аднак, ужываецца толькі тады, калі неабходна спецыяльна падкрэсліць, што лік з'яўляецца дадатным. Звычайна ж ён апускаецца, гэта значыць, што лік пішацца проста як $1$, $23$ і г.д.

Дадатным лікам з'яўляецца:

• любы натуральны лік
• сума любых дадатных лікаў
• здабытак любых дадатных лікаў
• дзель любых дадатных лікаў.

Для кожнага дадатнага ліку існуе адзіны адмоўны лік, які з'яўляецца супрацьлеглым да яго, гэта значыць, мае такі ж модуль, але супрацьлеглы знак.