Данузлаў

Данузла́ў (укр.: Донузлав, крымскатат.: Doñuzlav, Донъузлав) — самае глыбокае возера ў Крыме і найбуйнейшае возера Чарнаморскага раёна Аўтаномнай Рэспублікі Крым, належыць да Тарханкуцкай групы азёр.

Данузлаў
укр.: Донузлав крымскатат.: Doñuzlav
Морфаметрыя
Вышыня над узроўнем мора	-0,4 м
Даўжыня	30 км
Шырыня	8,5 км
Плошча	48,2 км²
Даўжыня берагавой лініі	104 км
Найбольшая глыбіня	27 м
Гідралогія
Тып мінералізацыі	салёнае і прэснае (крайняя поўнач)
Салёнасць	7,06 ‰
Басейн
Плошча вадазбору	1288 км²
Упадаюць	сухарэччы балак Стары Данузлаў Данузлаў Бурнук Чарнушка
Выцякаюць	адсутнічае
Размяшчэнне
Размяшчэнне	Паўднёва-ўсходняя частка Чарнаморскага раёна і заходняя частка Сакскага раёна АР Крым
Краіна	Украіна
Данузлаў
Данузлаў
Ідэнтыфікатары
ДВР	21010000111106300000370
Медыяфайлы на Вікісховішчы

Апісанне

Размяшчаецца на Тарханкуцкім паўвостраве. Даўжыня 30 км, шырыня 8,5 км. Плошча 48,2 км². Глыбіня да 27 м.

Тып агульнай мінералізацыі — салёнае, на крайняй поўначы прэснае. Паходжанне — тэктанічнае.

Ад Чорнага мора адасоблена перасыпам даўжынёй каля 12 км, шырынёй 0,3-1 км. Цяпер возеру больш адпавядае вызначэнне ліман, бо з 1961 года (пасля злучэння з морам каналам) узровень агульнай мінералізацыі змяніўся да мінералізаваных вод (салёнае), таксама змены адбыліся ў берагавой расліннасці.

Бераг возера.

Берагі высокія, крутыя, звілістыя. Шмат невялікіх заток. Жывіцца за кошт водаабмену з морам і падземнымі водамі, выхады якіх ёсць ва ўсходняй частцы возера ў выглядзе падводных крыніц. Салёнасць складае каля 90 ‰. Тоўшча мулу на дне возера дасягае 9 м, зверху мул перакрыты слоем крышталяў вуглякіслага кальцыю. На асобных участках пашырана водна-балотная расліннасць (чарот, рагоз і інш.).

Гісторыя

У мінулым тут былі саляныя промыслы.

У 1961 годзе быў прарыты 200-метровы суднаходны канал для злучэння возера з Чорным морам.

У верхняй частцы возера збудаваны дзве сажалкі для развядзення рыбы, у сярэдняй арганізавана стаянка караблёў Ваенна-марскіх сіл Украіны. На беразе створана ветраэнергетычная станцыя.

6 сакавіка 2014 года ў час Крымскага крызісу расійскія войскі затапілі на выхадзе з бухты возера 2 сваіх караблі «Ачакаў» і «Шахцёр». 7 сакавіка яны затапілі яшчэ адно судна, а 13 сакавіка — чацвёртае спісанае судна. Такім чынам утварылася барыкада, якая заблакавала выхад з бухты шэрагу караблёў ВМС Украіны.

Літаратура

• Оліферов А. М. Донузлав // Географічна енциклопедія України : у 3 т. / редколегія: О. М. Маринич (відпов. ред.) та ін. — К. : «Українська радянська енциклопедія» ім. М. П. Бажана, 1989. Т. 1. (укр.)

Спасылкі

• На Вікісховішчы ёсць медыяфайлы па тэме Данузлаў