Джон Мэрын

Джон Мэрын (англ.: John Marin; 1870, Рутэрфард, Нью-Джэрсі — 1953, Кейп-Спліт, Мэн) — амерыканскі мастак, вядомы прадстаўнік першага пакалення амерыканскіх мадэрністаў.

Джон Мэрын
Дата нараджэння	23 снежня 1870(1870-12-23)[…]
Месца нараджэння	Ратэрфорд[d], акруга Берген[d], Нью-Джэрсі, ЗША
Дата смерці	2 кастрычніка 1953(1953-10-02) (82 гады) ці 1 кастрычніка 1953(1953-10-01) (82 гады)
Месца смерці	Кейп-Спліт[d], акруга Вашынгтон, Мэн, ЗША
Месца пахавання	могілкі Фэйрв’ю[d]
Грамадзянства	ЗША
Род дзейнасці	мастак, архітэктар, рысавальнік, фатограф
Жанр	пейзаж
Вучоба	Ліга студэнтаў-мастакоў Нью-Ёрка[d] Пенсільванская акадэмія прыгожых мастацтваў[d]
Уплыў	Томас Аншуц[d]
Член у	Амерыканская акадэмія мастацтваў і навук Амерыканская акадэмія мастацтваў і літаратуры[d] Таварыства незалежных мастакоў[d]
Медыяфайлы на Вікісховішчы

Маці Мэрына памерла праз дзевяць дзён пасля яго нараджэння, і яго выхоўвалі дзве цёткі ў Віхокене. Наведваў Тэхналагічны інстытут Стывенса на працягу года і беспаспяхова спрабаваў стаць архітэктарам. Да 1903 г. вывучаў жывапіс у Філадэльфіі ў Пенсільванскай акадэміі прыгожых мастацтваў у Томаса Аншуца і ў Лізе студэнтаў-мастакоў Нью-Ёрка. У перыяд з 1905 па 1911 год жыў у Парыжы, аднак не паддаваўся ўплывам фавізму і кубізму, арыентуючыся на імпрэсіянісцкую прадметнасць Джэймса Уістлера.

У 1912 годзе, пасля сваёй тэматычнай выстаўкі акварэляў Нью-Ёрка, становіцца вядомым мастаком. Адметнай асаблівасцю гэтых акварэляў з’явілася адмова ад выразнасці контураў малюнка ў карысць напружаных паверхняў, «якія ліюцца». З 1914 года галоўнай тэмай яго творчасці становіцца прырода штата Мэн. Па сваёй выразнасці і спантаннасці карціны Джона Мэрына адносяць да абстрактна-экспрэсіянісцкай манеры жывапісу.