Вікіпедыя

Джэймс Мілнер

англійскі футбаліст

Джэймс Філіп Мілнер (англ.: James Philip Milner; нар. 4 студзеня 1986, Лідс, Англія) — англійскі футбаліст, паўабаронца клуба «Брайтан энд Хоўв Альбіён» і нацыянальнай зборнай Англіі. Раней выступаў за «Лідс Юнайтэд», «Суіндан Таўн», «Ньюкасл Юнайтэд», «Астан Вілу», «Манчэстэр Сіці» і «Ліверпул». Галоўным чынам ён атакоўны ігрок, але з’яўляецца ўніверсалам і можа гуляць на абодвух флангах, у цэнтры паўабароны і ў апорнай зоне, калі гэта патрэбна.

Футбол
Джэймс Мілнер
Агульная інфармацыя
Поўнае імя Джэймс Філіп Мілнер
Нарадзіўся 4 студзеня 1986(1986-01-04)[1] (38 гадоў)
Грамадзянства  Англія
Рост 175 см
Вага 70 кг
Пазіцыя паўабаронца
Інфармацыя пра клуб
Клуб Англія Брайтан энд Хоўв Альбіён
Нумар 6
Маладзёжныя клубы
1996—2002 Англія Лідс Юнайтэд
Клубная кар’ера[* 1]
2002—2004 Англія Лідс Юнайтэд 48 (5)
2003 →  Англія Суіндан Таўн 6 (2)
2004—2008 Англія Ньюкасл Юнайтэд 94 (6)
2005—2006 →  Англія Астан Віла 27 (1)
2008—2010 Англія Астан Віла 73 (11)
2010—2015 Англія Манчэстэр Сіці 147 (13)
2015—2023 Англія Ліверпул 230 (19)
2023— Англія Брайтан энд Хоўв Альбіён
Нацыянальная зборная[* 2]
2001—2002 Англія Англія (да 16) 6 (5)
2002—2003 Англія Англія (да 17) 11 (8)
2003 Англія Англія (да 19) 1 (0)
2003—2004 Англія Англія (да 20) 6 (4)
2004—2009 Англія Англія (да 21) 46 (9)
2009—2016 Англія Англія 61 (1)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 ліпеня 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 4 ліпеня 2023
Лагатып Вікісховішча Медыяфайлы на Вікісховішчы

Мілнер дэбютаваў у першай камандзе ў 2002 годзе, ва ўзросце 16 гадоў, і атрымаў слыннасць як наймалодшы ігрок, які выйграў матч у Прэм’ер-лізе. Таксама ён правёў рэкордную колькасць матчаў за маладзёжную зборную Англіі. Ён дэбютаваў у галоўнай зборнай у жніўні 2009 года ў матчы супраць Нідэрландаў, а таксама гуляў на чэмпіянаце свету 2010 года.

Кар’ера правіць

Раннія гады правіць

Да таго, як трапіць у стан бірмінгемскай каманды, гуляў за клубы «Лідс Юнайтэд», «Суіндан Таўн» і «Ньюкасл Юнайтэд». У дзяцінстве Джэймс гуляў за каманду сваёй школы, а потым за аматарскія клубы Радэна і Хорсфарта. У 1996 годзе маладым хлапцом прымыкае да юнацкай акадэміі «Лідс Юнайтэд», клуба, за які хварэў з малых часоў. У 2002 дэбютуе ў англійскай Прэм’ер-Лізе ва ўзросце 16 гадоў, выйшаўшы на замену падчас гульні з «Вест Хэмам Юнайтэд».

У наступным годзе Джэймс быў адпраўлены ў арэнду ў «Суіндан Таўн», каб набрацца вопыту выступлення за першую каманду. Наступным клубам футбаліста быў «Ньюкасл Юнайтэд», за які Мілнер правёў каля 100 матчаў. Але пасля вылету каманды з Прэм’ер-Лігі неўзабаве апынуўся ў «Астан Віле», за якую ўжо гуляў падчас сезона 2005/2006 гадоў, знаходзячыся ў арэндзе.

«Манчэстэр Сіці» правіць

17 жніўня 2010 года «Астан Віла» пагадзілася на здзелку з «Манчэстэр Сіці» наконт продажу Мілнера ў залежнасці ад вынікаў медыцынскага абследавання. Дагавор, як паведамлялася, каштаваў «Сіці» каля 24 млн фунтаў стэрлінгаў[2], у тым ліку з абменам іграка Стывенам Айрлендам, які быў ацэнены ў 8 млн фунтаў стэрлінгаў[3]. Мілнер дэбютаваў у складзе «Манчэстэр Сіці» 23 жніўня 2010 года ў пераможным для яго каманды матчы супраць «Ліверпула» (3:0), дзе ён аднойчы асіставаў свайму былому аднаклубніку па «Астан Віле» Гарэту Бары[4].

«Ліверпул» правіць

У чэрвені 2015 года ў якасці свабоднага агента стаў іграком «Ліверпула». У маі 2023 года клуб абвясціў, што паўабаронца пакіне каманду па заканчэнні сезона ў якасці свабоднага агента.

У чэрвені 2023 года падпісаў аднагадовы кантракт з клубам «Брайтан энд Хоўв Альбіён»[5].

Міжнародная кар’ера правіць

Пачынаючы з 16 гадоў Джэймс стала вызываецца ў склад зборных Англіі розных узростаў. Мае рэкорд па выступленнях за зборную Англіі U-21, адгуляўшы за гэтую каманду 46 гульняў. Дэбютаваў за нацыянальную каманду ў жніўні 2009 года падчас матча супраць зборнай Нідэрландаў.

Дасягненні правіць

«Манчэстэр Сіці»:

«Ліверпул»

Заўвагі правіць

  1. ↑ James Milner // Transfermarkt — 2000. Праверана 9 кастрычніка 2017.
  2. ↑ James Milner completes his transfer to Manchester City. BBC Sport.
  3. ↑ Manchester City agree deal to sign James Milner from Aston Villa. Guardian
  4. ↑ Man City 3 – 0 Liverpool. BBC Sport.
  5. ↑ Милнер перешел в "Брайтон" (руск.). football.by (14 чэрвеня 2023). Праверана 4 ліпеня 2023.

Спасылкі правіць

Узята з "https://be.wikipedia.org/w/index.php?title=Джэймс_Мілнер&oldid=4529672"