Вікіпедыя

Дзмітрый Міхайлавіч Айдаў

расійскі футбаліст
(Пасля перасылкі з Дзмітрый Айдаў)

Дзмітрый Айдаў (нар. 10 красавіка 1982, Горкі, РСФСР) — расійскі футбаліст, абаронца.

Футбол
Дзмітрый Айдаў
Агульная інфармацыя
Поўнае імя Дзмітрый Міхайлавіч Айдаў
Нарадзіўся 10 красавіка 1982(1982-04-10)[1] (42 гады)
Грамадзянства  Расія
Рост 185 см
Вага 75 кг
Пазіцыя абаронца
Маладзёжныя клубы
Расія ДЮСШ Сормавіч (Ніжні Ноўгарад)
Клубная кар’ера[* 1]
1999—2010 Расія Волга (Ніжні Ноўгарад) 212 (22)
2010 →  Расія Ніжні Ноўгарад 9 (2)
2011—2012 Расія Ніжні Ноўгарад 31 (10)
2012—2013 Расія Волга (Ніжні Ноўгарад) 15 (0)
2013—2014 Расія Тарпеда (Масква) 38 (4)
2014—2015 Расія Анжы (Махачкала) 26 (2)
2015—2018 Расія Арсенал (Тула) 28 (5)
2017—2018 →  Беларусь Гомель 28 (0)
2019—2020 Расія Лакаматыў-НН (Ніжні Ноўгарад)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 30 чэрвеня 2021.

Клубная кар’ера правіць

Выхаванец футбольнай школы «Сормавіч» з роднага Ніжняга Ноўгарада, пачаў дарослую кар’еру ў мясцовым клубе «Электроніка» (які пазней змяніў назву на «Волга»), з якім прайшоў шлях ад аматарскага чэмпіянату да Першага дывізіёна. У 2010 годзе перайшоў у іншы ніжагародскі клуб — «Ніжні Ноўгарад», але ў 2012 годзе, пасля аб’яднання клубаў, зноў апыныўся ў «Волзе», у складзе якой дэбютаваў у Прэм’ер-лізе.

У 2013 годзе перайшоў у маскоўскае «Тарпеда», якому па выніках сезону 2013/14 дапамог вярнуцца ў элітны дывізіён пасля васьмігадовага перапынку. У сезоне 2014/15 выступаў у ФНЛ за махачкалінскі «Анжы», а ў чэрвені 2015 года стаў іграком тульскага «Арсенала». Гэты клуб стаў трэцім запар, якому абаронца дапамог вярнуцца ў Прэм’ер-лігу. У сезоне 2016/17 страціў месца ў асноўным складзе «Арсенала» і быў пераведзены ў моладзевую каманду.

У сакавіку 2017 года быў аддадзены ў паўгадавую арэнду беларускаму клубу «Гомель»[2]. У складзе «Гомеля» стаў асноўным цэнтральным абаронцам. У чэрвені 2017 года па заканчэнні тэрміну арэнды пакінуў беларускую каманду[3], аднак у ліпені зноў далучыўся да «Гомеля» да канца сезону[4]. У пачатку 2018 года стаў капітанам беларускай каманды. У чэрвені 2018 года пакінуў «Гомель»[5].

У 2019—2020 гадах выступаў на аматарскім узроўні за ніжагародскі «Лакаматыў-НН».

У жніўні 2020 года быў пажыццёва дыскваліфікаваны АБФФ па справе аб дагаварных матчах[6], а ў лістападзе 2020 года быў пажыццёва адхілены ФІФА ад любой футбольнай дзейнасці па ўсім свеце[7].

Зноскі

  1. ↑ Dmitri Aydov // Transfermarkt — 2000. Праверана 9 кастрычніка 2017.
  2. ↑ "Гомель" арендовал у тульского "Арсенала" 34-летнего защитника Айдова
  3. ↑ Дмитрий Айдов покинул "Гомель"
  4. ↑ Дмитрий Айдов вернулся в "Гомель"
  5. ↑ Дмитрий Айдов покинул "Гомель"
  6. ↑ Захар Волков дисквалифицирован на два года. Кажется, это решение принято в не самый подходящий момент(недаступная спасылка). Архівавана з першакрыніцы 9 сакавіка 2022. Праверана 30 чэрвеня 2021.
  7. ↑ Новости. Гол Брессана не спас Архівавана 9 ліпеня 2021.
Узята з "https://be.wikipedia.org/w/index.php?title=Дзмітрый_Міхайлавіч_Айдаў&oldid=4527892"