Дзмітрый Анатольевіч Горчаў
Дзмітрый Анатольевіч Горчаў (27 верасня 1963, Цалінаград, Казахская ССР — 25 сакавіка 2010, Гасцілава, Невельскі раён, Пскоўская вобласць, Расія) — расійскі празаік, мастак, ілюстратар.
| Дзмітрый Анатольевіч Горчаў | |
|---|---|
| Асабістыя звесткі | |
| Дата нараджэння | 27 верасня 1963[1] |
| Месца нараджэння | |
| Дата смерці | 25 сакавіка 2010[1] (46 гадоў) |
| Месца смерці |
|
| Пахаванне |
|
| Грамадзянства | |
| Прафесійная дзейнасць | |
| Род дзейнасці | пісьменнік, мастак |
| Гады творчасці | з 1999 |
| Мова твораў | руская |
| gorchev.lib.ru | |
 Цытаты ў Вікіцытатніку | |
Біяграфія
правіцьСкончыў Алма-Ацінскі педагагічны інстытут замежных моў. Працаваў токарам, настаўнікам замежнай мовы, сістэмным адміністратарам, тэхнічным перакладчыкам. У 1999 годзе пераехаў у Санкт-Пецярбург. Да 2005 года працаваў галоўным мастаком выдавецтва «Геликон Плюс» і часопіса Барыса Стругацкага «Полдень. XXI век».
З 2007 года пражываў у Невельскім раёне Пскоўскай вобласці. Член Саюза пісьменнікаў Санкт-Пецярбурга.
Набыў вялікую папулярнасць у інтэрнэце, стаў адным з першых «тысячнікаў» у Жывым Часопісе. Творчасць Горчава прадстаўлена ў Бібліятэцы Машкова. Удзельнічаў у тэлеперадачы «Школа зласлоўя».
Апавяданні Горчава — дасціпныя і рознабаковыя мініяцюры са смелымі моўнымі эксперыментамі. Горчаў парадзіраваў «народную» апісальную рыторыку, гарадскія легенды; працаваў са стылістыкай сказу і нарыса, сюжэтным абсурдам і алагізмам, успадкоўваючы традыцыі Міхаіла Зошчанкі і Данііла Хармса.
25 сакавіка 2010 года знойдзены мёртвым каля свайго дома ў Невельскім раёне Пскоўскай вобласці[2]. Прычынай смерці стала шырокае ўнутранае крывавыліванне, як паведаміла ў блогу пісьменніка яго жонка Кацярына. Пісьменнік пахаваны ў вёсцы, у якой жыў[3].
Бібліяграфія
правіць- Расказы. — СПб.: Гелікон Плюс, 1999.
- Прыгажосць. — СПб.: Гелікон Плюс, 2000.
- Прыгажосць — Брыдота. — СПб.: Гелікон Плюс, 2001.
- Сволачы. — СПб.: Амфара, 2002. Перавыданне: СПб.: Red Fish, Амфара, 2005.
- Асенняя Жаба. — СПб.: Гелікон Плюс, 2004.
- План выратавання. — СПб.: Амфара, 2005.
- Жыццё ў каструлі. — СПб.: Гелікон Плюс, 2006.
- 13 рублёў. — СПб.: Гелікон Плюс, 2007.
- Міліцэйскае танга. — СПб.: Амфара, 2007.
- Дзікае жыццё Гандваны. — М.: CheBook, 2008.
