Дзмітрый Мікалаевіч Ушакоў
Дзмітрый Мікалаевіч Ушакоў (24 студзеня 1873, Масква — 20 красавіка 1942) — рускі мовазнавец. Член-карэспандэнт АН СССР (1939). Адзін са стваральнікаў Маскоўскай дыялекталагічнай камісіі. Галоўны рэдактар і адзін са складальнікаў «Тлумачальнага слоўніка рускай мовы».
| Дзмітрый Мікалаевіч Ушакоў | |
|---|---|
| Дата нараджэння | 12 (24) студзеня 1873[1] ці 24 студзеня 1873[1] |
| Месца нараджэння | |
| Дата смерці | 17 красавіка 1942[2][1] (69 гадоў) |
| Месца смерці | |
| Месца пахавання | |
| Грамадзянства | |
| Род дзейнасці | лексікограф, мовазнавец, дыялектолаг, граматык |
| Навуковая сфера | мовазнаўства[3] і руская[3] |
| Месца працы | |
| Навуковая ступень | Імператарскі Маскоўскі ўніверсітэт |
| Навуковае званне | |
| Альма-матар | |
| Навуковы кіраўнік | Філіп Фёдаравіч Фартунатаў |
| Вядомыя вучні | Grigori Ossipovitch Vinokour[d], Рубен Іванавіч Аванесаў, Pyotr Kuznetsov[d], Aleksandr Aleksandrovich Reformatsky[d] і Vladimir Sidorov[d] |
| Член у | |
| Узнагароды |
  |
.svg){kind=small}
Біяграфія
правіцьЗакончыў Маскоўскі ўніверсітэт (1895), з 1907 выкладаў у ім. Прафесар Вышэйшых жаночых курсаў, Інстытута жывога слова, Літаратурнага інстытута імя М.Горкага, Маскоўскага інстытута філасофіі, літаратуры і мастацтва, Маскоўскага ўніверсітэта.
Навуковая дзейнасць
правіцьПрацы Ушакова паслужылі асновай для развіцця рускай дыялекталогіі: «Нарыс рускай дыялекталогіі з дадаткам першай карты рускіх дыялектаў у Еўропе» (1915, з М. М. Дурнаво, М. М. Сакаловым), «Кароткія ўводзіны ў навуку пра мову» (1913, 9-е выд. 1929) і інш.
Адзін са стваральнікаў (з 1903) і старшыня (1915—31) Маскоўскай дыялекталагічнай камісіі. З 1901 удзельнічаў у працы па рэформе рускага правапісу. Узначальваў Арфаграфічную камісію Наркамасветы (1930-я г.). Ініцыятар вывучэння рускай арфаэпіі («Руская арфаэпія і яе задачы», 1928; «Да пытання аб правільным вымаўленні», 1936, апубл. 1964). Галоўны рэдактар і адзін са складальнікаў «Тлумачальнага слоўніка рускай мовы» (т. 1—4, 1934—40).
Зноскі
- ↑ а б в Педагоги и психологи мира — 2012.
- ↑ а б в Ушаков Дмитрий Николаевич // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
- ↑ а б Czech National Authority Database Праверана 7 лістапада 2022.
Літаратура
правіць- Ушакоў Дзмітрый Мікалаевіч // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. С. 290—291.