Вікіпедыя

Дзяніс Ігаравіч Лапцеў

Дзяніс Лапцеў (нар. 1 жніўня 1991) — беларускі футбаліст, нападнік брэсцкага «Дынама» і нацыянальнай зборнай Беларусі.

Футбол
Дзяніс Лапцеў
Russia-Belorussia (3).jpg
Агульная інфармацыя
Поўнае імя Дзяніс Ігаравіч Лапцеў
Нарадзіўся 1 жніўня 1991(1991-08-01)[1] (28 гадоў)
Грамадзянства Flag of Belarus.svg Беларусь
Рост 195 см
Вага 93 кг
Пазіцыя нападнік
Інфармацыя пра клуб
Клуб Беларусь Дынама-Брэст
Нумар 51
Кар’ера
Клубная кар’ера*
2010 — 2015 Беларусь Славія-Мазыр 106 (47)
2010 →  Беларусь Вертыкаль (Калінкавічы) 15 (6)
2015 — 2016 Расія Тосна 14 (1)
2016 →  Беларусь Славія-Мазыр 15 (3)
2016 →  Беларусь Шахцёр (Салігорск) 14 (6)
2017 — 2018 Беларусь Шахцёр (Салігорск) 55 (22)
2019 — Беларусь Дынама-Брэст 29 (12)
Нацыянальная зборная**
2015 — Беларусь Беларусь 24 (0)

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў, адкарэктавана станам на 3 студзеня 2020.

** Колькасць гульняў і галоў за нацыянальную зборную ў
афіцыйных матчах, адкарэктавана станам на 26 лютага 2020.

іншыя значэнні У Вікіпедыі ёсць артыкулы пра іншых асоб з прозвішчам Лапцеў.

Клубная кар’ераПравіць

У першай палове сезона 2010 гуляў за калінкавіцкую «Вертыкаль», а з сярэдзіны 2010 года выступаў за «Славію-Мазыр». У 2011 годзе трывала выхадзіў на замену, а ў сезоне 2012 страціў месца ў аснове.

2013Правіць

Сезон 2013, як і папярэдні, пачынаў на лаўцы запасных і звычайна толькі выхадзіў на замену ў канцы матча. Але пазней, пасля таго як у чэрвені каманду пакінуў асноўны нападнік Андрэй Шаракоў, стаў выступаць у стартавым складзе. Выдатна правёў летні перыяд чэмпіянату — «Славія» стала набіраць ачкі, а Дзяніс стаў галоўнай сілай мазыран і забіваў у кожным другім матчы. Пасля вяртання ў клуб Рамана Волкава стаў чаргавацца з ім на пазіцыі нападніка, і канец сезона правёў ужо не так упэўнена, а «Славія» выбыла ў Першую лігу. Тым не менш, Дзяніс з 9 галамі стаў найлепшым бамбардзірам клуба і адным з найлепшых у чэмпіянаце.

2014Правіць

У студзені 2014 года спрабаваў працаўладкавацца ў Казахстане, праходзіў прагляд у карагандзінскім «Шахцёры»[2] і кызылардзінскім «Кайсары»[3]. Аднак у выніку ў лютым 2014 года вярнуўся ў «Славію»[4], у складзе якой распачаў сезон 2014 у Першай лізе.

У складзе мазыран стаў асноўнай ударнай сілай. Дапамог «Славіі» вярнуцца ў Вышэйшую лігу, забіўшы за сезон 23 мячы і стаўшы найлепшым бамбардзірам Першай лігі. У канцы сезона цікавасць да нападніка сталі праяўляць мінскае «Дынама» і салігорскі «Шахцёр»[5].

2015Правіць

У студзені 2015 года прыбыў на прагляд у мінскае «Дынама», разам з асноўнай камандай якога адправіўся на збор у Турцыю[6]. Па выніках збору «Дынама» вырашыла не прапаноўваць кантракт нападніку. У выніку ў лютым 2015 года Лапцеў далучыўся да «Славіі» на зборы ў Пінску[7] і застаўся ў Мазыры на сезон 2015.

У складзе «Славіі» Дзяніс застаўся асноўным нападнікам і ў Вышэйшай лізе. Хутка ён стаў адзначацца галамі і неўзабаве ўзначаліў спіс бамбардзіраў чэмпіянату. У чэрвені цікавасць да Лапцева стаў праяўляць пермскі «Амкар»[8]. Аднак, Дзяніс адмовіўся праходзіць прагляд, і 30 чэрвеня стала вядома аб пераходзе нападніка ў склад клуба расійскай ФНЛ «Тосна»[9][10]. На наступны дзень «Славія» дала дазвол на трансфер, які мусіў адбыцца 5 ліпеня[11][12]. 4 ліпеня 2015 года Дзяніс правёў свой апошні матч за мазырскі клуб, калі «Славія» дома згуляла ўнічыю з гродзенскім «Нёманам» (0:0). Усяго за палову сезона 2015 згуляў 13 матчаў у Вышэйшай лізе і забіў 9 галоў.

5 ліпеня 2015 года, як і чакалася, было афіцыйна абвешчана аб падпісанні Лапцевым кантракта з «Тосна»[13]. Аднак, хутка замацавацца ў аснове новага клуба не здолеў, а ў жніўні атрымаў шасціматчавую дыскваліфікацыю за ўдзел у бойцы[14]. Пасля вяртання на поле 19 кастрычніка адзначыўся першым голам за «Тосна», якім дапамог перамагчы «Балтыку» (3:1).

2016Правіць

8 лютага 2016 года стала вядома аб вяртанні Лапцева ў «Славію» на правах арэнды[15]. За першую палову сезона 2016 забіў 3 галы ў 15 матчах. У ліпені 2016 года па заканчэнні тэрміну арэнды пакінуў «Славію» і неўзабаве далучыўся да салігорскага «Шахцёра»[16]. У другой палове сезона 2016 забіў за «Шахцёр» 6 галоў у чэмпіянаце і дапамог камандзе заваяваць срэбраныя медалі. У снежні 2016 года быў выкуплены салігорцамі ў «Тосна»[17].

2017Правіць

У сезоне 2017 быў аднім з асноўных нападнікаў салігарчан, чаргаваў выхады ў стартавым складзе і на замену. З 10 галамі ў чэмпіянаце Беларусі стаў найлепшым бамбардзірам каманды ў сезоне.

2018Правіць

У першай палове сезона 2018 часцей выхадзіў на замену, а са жніўня замацаваўся ў стартавым складзе «Шахцёра». 21 лістапада 2018 года ў матчы ў БАТЭ адзначыўся дублем, чым дапамог салігарчанам атрымаць буйную перамогу 3:0. З 14 галамі ва ўсіх турнірах другі год запар стаў найлепшым бамбардзірам каманды. У снежні 2018 года па заканчэнні кантракта пакінуў «Шахцёр»[18].

2019Правіць

У студзені 2019 года падпісаў трохгадовы кантракт з брэсцкім «Дынама»[19]. Стаў асноўным нападікам брэсцкага клуба, з 12 галамі ў сезоне 2019 стаў адным з найлепшых бамбардзіраў каманды і падамог ёй стаць чэмпіёнам Беларусі.

Міжнародная кар’ераПравіць

У чэрвені 2015 года быў упершыню выкліканы ў склад нацыянальнай зборнай Беларусі замест траўмаванага Міхаіла Гардзейчука[20]. 7 чэрвеня дэбютаваў у зборнай, выйшаўшы на замену на 73-й хвіліне таварыскага матча з Расіяй (2:4).

У верасні 2017 года за парушэнне дысцыпліны быў адхілены ад зборнай Беларусі, але ўжо ў лістападзе таго ж года вернуты ў яе склад.

ДасягненніПравіць

Статыстыка выступленняўПравіць

Сезон Дывізіён Клуб Краіна Матчы Галы
2010 (1) Д3 Вертыкаль   15 6
2010 (2) Д2 Славія-Мазыр   10 1
2011 Д2 Славія-Мазыр   27 4
2012 Д1 Славія-Мазыр   5 1
2013 Д1 Славія-Мазыр   23 9
2014 Д2 Славія-Мазыр   28 23
2015 (1) Д1 Славія-Мазыр   13 9
2015/16 (1) Д2 Тосна   14 1
2016 (1) Д1 Славія-Мазыр   15 3
2016 (2) Д1 Шахцёр   14 6
2017 Д1 Шахцёр   29 10
2018 Д1 Шахцёр   26 12
2019 Д1 Дынама   29 12

Зноскі

  1. ↑ Denis Laptev // Transfermarkt — 2000. Праверана 9 кастрычніка 2017.
  2. ↑ Денис Лаптев прибыл в расположение «Шахтера» из Караганды
  3. ↑ Денис Лаптев отправился на просмотр в "Кайсар"
  4. ↑ Денис Лаптев вернулся в "Славию"
  5. ↑ Юрий Пунтус: "Лаптева пригласили на просмотр в "Шахтер"
  6. ↑ Витус и Лаптев отправились с минским «Динамо» на сбор в Турцию
  7. ↑ Денис Лаптев присоединится к "Славии" на сборе в Пинске
  8. ↑ "Амкар" заинтересован в услугах Дениса Лаптева
  9. ↑ Денис Лаптев подписал контракт с "Тосно"
  10. ↑ "Прессбол": Лаптев пока еще не заключил соглашения с "Тосно", а лишь согласовал условия личного контракта
  11. ↑ Мозырская "Славия" дала добро на переход Дениса Лаптева в "Тосно"
  12. ↑ Денис Лаптев присоединится к "Тосно" 5 июля
  13. ↑ "Тосно" официально объявил о подписании контракта с Денисом Лаптевым (ФОТО)
  14. ↑ Россия, ФНЛ. Денис Лаптев дисквалифицирован на 6 матчей за участие в массовой драке
  15. ↑ Денис Лаптев вернулся в "Славию"
  16. ↑ Лаптев подписал контракт с «Шахтером»
  17. ↑ "Шахтер" выкупил у "Тосно" права на Лаптева
  18. ↑ "Шахтер" расстался с Лаптевым, Шимуновичем, Янушкевичем и еще четырьмя футболистами
  19. ↑ Лаптев стал игроком брестского "Динамо"
  20. ↑ Денис Лаптев вызван в сборную Беларуси, Гордейчук из-за травмы не поможет национальной команде

СпасылкіПравіць


Узята з "https://be.wikipedia.org/w/index.php?title=Дзяніс_Ігаравіч_Лапцеў&oldid=3639305"