Дзяржава Чола
Чо́ла (там.: சோழர்) — старажытная дзяржава на поўдні Індыі і дынастыя, якая ў ёй правіла. Вядома з І ст. н.э.
| Гістарычная дзяржава | |||
| Чола | |||
|---|---|---|---|
|
|||
 |
|||
|
|
|||
| Сталіца | Тыруварур, Пухар, Ураюр, Ураюр, Гангайконда-Чолапурам | ||
| Афіцыйная мова | тамільская мова | ||
| Форма кіравання | манархія | ||
 Медыяфайлы на Вікісховішчы | |||
Сталіцы: Пухар, Танджур і Гангайконда-Чолапурам. Дзяржаўная мова — тамільская.
У 9 ст. трапіла ў васальную залежнасць ад дзяржавы Палаваў. Узвышэнне Чолы пачалося, калі яе правіцель Адыцья І (871—907) знішчыў дзяржаву Палаваў і захапіў яе землі. Найбольшай магутнасці дасягнула ў 10—12 ст., калі дынастыя Чола падпарадкавала амаль увесь поўдзень паўвострава Індастан, востраў Шры-Ланка (Цэйлон), Мальдыўскія астравы, нанесла некалькі паражэнняў дзяржаве Заходніх Чалук'яў, здзейсніла паходы ў Бенгалію, на Суматру і ў Мапаю.
Высокага развіцця дасягнулі земляробства, рамесніцтва і гандаль, тамільская літаратура і мастацтва. З 2-й палавіны 12 ст. пачаўся заняпад дзяржавы Чола, у 13 ст. яна стала васалам Хайсалаў і перастала існаваць. Дынастыя вядома да 18 ст.
Літаратура
правіць- Чола // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. С. 273.
Спасылкі
правіць
На Вікісховішчы ёсць медыяфайлы па тэме Дзяржава Чола- The History of Chola Empire
- Kingdoms of South Asia - Indian Kingdom of the Cholas
