Дзённік Ганны Франк

«Дзённік Ганны Франк» (нідэрл.: Het achterhuis, даслоўна «У задняй частцы дома», другі пераклад — «Прытулак») — запісы на нідэрландскай мове, якія вяла яўрэйская дзяўчынка Ганна Франк з 12 чэрвеня 1942 года па 1 жніўня 1944 года ў перыяд нацысцкай акупацыі Нідэрландаў. З пачатку 1944 года Ганна пачала літаратурна апрацоўваць свае запісы, у прыватнасці, замяняючы імёны дзеючых асоб, спадзеючыся на публікацыю дзённіка пасля вызвалення Нідэрландаў, аднак гэтая праца засталася няскончанай. Апошні запіс у дзённіку датаваны 1 жніўня 1944 года, праз тры дні гестапа арыштавала ўсіх, хто хаваўся ў прытулку. Сама Ганна памерла ў канцэнтрацыйным лагеры Берген-Бельзен. Яе запісы захаваліся і былі перададзены ейнаму ацалеламу ў Асвенціме бацьку Ота Франку, які ў 1947 годзе склаў скарочаны варыянт для публікацыі. Ота Франк завяшчаў арыгінал дзённіка Нідэрландскаму дзяржаўнаму інстытуту ваеннай дакументацыі.

Дзённік Ганны Франк
Het achterhuis
Выданне
рукапісы дзённіка
Жанр аўтабіяграфія
Аўтар Ганна Франк
Мова арыгінала нідэрландская
Дата напісання 12 чэрвеня 1942[1][2]
Дата першай публікацыі 1947 (Нідэрланды)
Месца публікацыі Каралеўства Нідэрландаў
Commons-logo.svg Медыяфайлы на Вікісховішчы

Упершыню твор быў выдадзены ў Нідэрландах у 1947 годзе, у ЗША і Вялікабрытаніі ў 1952 годзе пад назвай «Дзённік дзяўчынкі» (англ.: The Diary of a Young Girl). На аснове дзённіка было створана некалькі мастацкіх твораў.

Зноскі

  1. Koninklijke Bibliotheek — 1798. Праверана 21 лютага 2015.
  2. Нямецкая нацыянальная бібліятэка — 1912. Праверана 21 лютага 2015.

СпасылкіПравіць