Добрушскі раённы краязнаўчы музей

Добрушскі раённы краязнаўчы музей — музей, заснаваны ў горадзе Добруш 1 красавіка 2002 года ў адпаведнасці з рашэннем Добрушскага райвыканкама ад 29.03.2002 г. Адкрыты для наведвальнікаў 5 чэрвеня 2005 года. Размешчаны ў адрэстаўрыраваным будынку, які з’яўляецца помнікам архітэктуры пачатку XX стагоддзя і ўзведзены на сродкі княгіні І. І. Паскевіч як школа для дзяцей работнікаў папяровай фабрыкі князёў Паскевічаў. Музеем кіравалі А. Л. Прахарэнка, В. А. Сужаеў. З 2007 года дырэктар А. В. Агееў.

Добрушскі раённы краязнаўчы музей
Профіль	Краязнаўчы
Заснаваны	1 красавіка 2002
Падпарадкаванасць	Міністэрства культуры Рэспублікі Беларусь
Месцазнаходжанне	Добруш, Беларусь
Адрас	247054, Рэспубліка Беларусь, Гомельская вобласць, г. Добруш, вул. Ф. I. Паскевiча, 1
dobrush.museum.by/be
Медыяфайлы на Вікісховішчы

Асноўны фонд музея (2008) налічвае 5011 адзінку захоўвання, навукова-дапаможны — 1898 адзінак. Агульная плошча экспазіцый 213 м², размешчана ў 5 залах. Дзейнічаюць таксама 2 выставачныя залы агульнай плошчай 50 м².

Экспазіцыі

У музеі працуюць наступныя экспазіцыі: «Гісторыя народнай адукацыі Добрушскага раёна», «Добрушскі край. Ад здабыч да прамысловасці», «Добрушчына партызанская», «Добрушскі парцалян». 13 кастрычніка 2008 года адкрыта «Мастацкая галерэя Уладзіміра Пракапцова». 3 верасня 2022 г. адкрыта пастаянна дзеючая экспазіцыя, прысвечаная Івану Шамякіну.

Агульная колькасць музейных прадметаў — 9256. У фондах музея захоўваюцца калекцыі этнаграфіі, жывапісу сучасных беларускіх мастакоў і інш.; распрацавана і дзейнічае музейна-адукацыйная праграма «Мой край — ты песня і легенда».

Галерэя

• 
  Абразы
• 
  Троіца, ХІХ ст.
• 
  Працоўны стол Івана Шамякіна

Спасылкі

• Музей у ВКонтакте
• Музей у Instagram