Дом па вуліцы Леніна, 6 і 8 (Мінск)
Дом па вуліцы Леніна, 6 і 8 — жылы дом у Мінску, уваходзіць у ансамбль забудовы вуліцы Леніна. Пабудаваны ў 1947—1954 гг. з цэглы па праекце архітэктара Г. Заборскага, які жыў у гэтым доме, пра што сведчыць мемарыяльная дошка.
| Славутасць | |
| Дом па вуліцы Леніна, 6 і 8 | |
|---|---|
 | |
| 53°54′04″ пн. ш. 27°33′28″ у. д.HGЯO | |
| Краіна | |
| Горад | |
| Архітэктар | Георгій Уладзіміравіч Заборскі |
| Будаўніцтва | 1947—1954 гады |
| Статус |
 Гісторыка-культурная каштоўнасць Беларусі, шыфр 712Г000097 |
 |
|
 Медыяфайлы на Вікісховішчы | |
Архітэктура правіць
Вырашаны ідэнтычна дамам 3, 4, 5. Пяціпавярховы будынак завершаны развітымі карнізамі на фігурных кранштэйнах, накрыты вальмавымі дахамі, якія падкрэслены дэкаратыўным парапетам-балюстрадай. Першы паверх, дзе размешчаны прадпрыемствы гандлю і бытавога абслугоўвання, вырашаны ў выглядзе аркатурнай каланады з ружова-шэрага граніту. У пралётах паміж калонамі — вялікія арачныя аконныя праёмы. Сцены верхніх жылых паверхаў абліцаваны тэракотавай пліткай. 2-і і 3-і паверхі падзелены развітай гарызантальнай цягай з фрызам з буйных тэракотавых плітак, аздобленых раслінным арнаментам. 3-і і 4-ы паверхі аформлены навяснымі балконамі і ордарным дэкорам.
Злучаны з домам № 4 дадатковым аб’ёмам з арачным праездам. Верхнія паверхі дадатковых аб’ёмаў заглыблены і завершаны трохвугольнымі шчытамі з дэкаратыўнымі вазамі. На іх фасадных плоскасцях багаты ляпны дэкор.
Літаратура правіць
- Т. В. Габрусь. 133. Забудова вуліцы Леніна // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1988. — Мінск. — 333 с.: іл. — ISBN 5-85700-006-8.
Спасылкі правіць
На Вікісховішчы ёсць медыяфайлы па тэме Дом па вуліцы Леніна, 6 і 8 (Мінск)
