Адкрыць галоўнае меню

Дыега Арманда Марадона

аргентынскі футбаліст
(Пасля перасылкі з Дыега Марадона)
Футбол
Дыега Марадона
Maradona at 2012 GCC Champions League final.JPG
Агульная інфармацыя
Поўнае імя Дыега Арманда Марадона
Нарадзіўся 30 кастрычніка 1960(1960-10-30)[1][2][3] (59 гадоў)
Грамадзянства Flag of Argentina.svg Аргенціна
Рост 167 см
Вага 70 кг
Пазіцыя нападнік
Кар’ера
Маладзёжныя клубы
1968 — 1969 Аргенціна Эстрэлья Роха
1970 — 1976 Аргенціна Аргенцінас Хуніярс
Клубная кар’ера*
1976 — 1981 Аргенціна Аргенцінас Хуніярс 166 (116)
1981 — 1982 Аргенціна Бока Хуніярс 40 (28)
1982 — 1984 Іспанія Барселона 36 (22)
1984 — 1991 Італія Напалі 188 (81)
1992 — 1993 Іспанія Севілья 26 (5)
1993 — 1994 Аргенціна Ньюэлс Олд Бойз 5 (0)
1995 — 1997 Аргенціна Бока Хуніярс 30 (7)
Нацыянальная зборная**
1977 — 1979 Аргенціна Аргенціна (да 20) 24 (13)
1977 — 1994 Аргенціна Аргенціна 91 (34)
Трэнерская кар’ера
1994 Аргенціна Тэкстыль Мандыю
1995 Аргенціна Расінг Авельянеда
2008 — 2010 Аргенціна Аргенціна
2011 — 2012 Аб'яднаныя Арабскія Эміраты Аль-Васл
2017 — 2018 Аб'яднаныя Арабскія Эміраты Аль-Фуджайра
2018 — 2019 Мексіка Дарадас дэ Сіналоа
2019 Аргенціна Хімнасія і Эсгрыма
Міжнародныя медалі
Чэмпіянаты свету
Золата Мексіка 1986
Срэбра Італія 1990
Кубкі Амерыкі
Бронза Бразілія 1989

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў

** Колькасць гульняў і галоў за нацыянальную зборную ў
афіцыйных матчах

Дыега Арманда Марадона (ісп.: Diego Armando Maradona; нар. 30 кастрычніка 1960, Ланус, правінцыя Буэнас-Айрэс, Аргенціна) — аргенцінскі футбаліст, нападнік. Чэмпіён свету 1986 у складзе нацыянальнай зборнай Аргенціны. Прызнаны адным з найлепшых футбалістаў за ўсю гісторыю.

Выступаў за футбольныя клубы «Бока Хуніярс» (Аргенціна), «Барселона» (Іспанія), «Напалі» (Італія), «Севілья» (Іспанія).

На працягу доўгіх гадоў (з 1977 па 1994) ён быў лідарам нацыянальнай зборнай Аргенціны. У многім дзякуючы яго індывідуальнаму майстэрству аргенцінцы сталі чэмпіёнамі свету ў Мексіцы-1986, а ў 1990 годзе заваявалі серабро ЧС у Італіі. У складзе зборнай роднай краіны Марадона правёў 91 матч, забіўшы 34 мячы. Прафесійную кар’еру ён пачаў у 1976 годзе ў клубе «Аргенцінас Хуніёрс» з Буэнас-Айрэса, затым гуляў у «Бока Хуніёрс» (1981—1982), пасля чаго перабраўся ў Еўропу. У Старым Свеце Дыега ў складзе «Барселоны» стаў уладальнікам Суперкубка і Кубка Іспаніі, з «Напалі» двойчы выйграў чэмпіянат Італіі, нацыянальны Кубак і Суперкубак, а таксама стаў уладальнікам Кубка УЕФА. Пасля італьянскага этапу Марадона правёў адзін сезон у іспанскай «Севільі», а ў 1993 годзе завяршыў гульнявую кар’еру на радзіме ў «Бока Хуніёрс»[4].

У якасці трэнера Дыега Марадона працуе з 1994 года. Спачатку ён узначальваў аргенцінскія клубы «Тэкстыл Мандэю» і «Расінг», а з 2008 па 2010 быў настаўнікам нацыянальнай зборнай Аргенціны. На Чэмпіянаце свету 2010 года ў ПАР падапечныя Дыега Марадоны дайшлі да чвэрцьфіналу, у якім значна прайгралі камандзе Германіі (0:4). Завяршыўшы работу ў зборнай у хуткім часе пасля сусветнага першынства, Марадона доўгі час не трэніраваў, а ў 2011 годзе стаў настаўнікам клуба «Аль-Васл» з ААЭ. Прапрацаваўшы там крыху больш за год, Марадона пакінуў каманду і да мая 2017 года зноў не займаўся футбольнай дзейнасцю. Затым ён зноў прыехаў у ААЭ і стаў галоўным трэнерам клуба «Аль-Фуджайра», але зноў поспехаў не дабіўся і ў канцы красавіка 2018 года пакінуў сваю пасаду. За межамі футбольнага жыцця Дыега Марадона вядомы сваімі экстравагантнымі выказваннямі і ўчынкамі[5].

15 мая 2018 года Дыега Марадона падпісаў кантракт з брэсцкім «Дынама», ён стаў старшынёй праўлення клуба. Кантракт падпісаны тэрмінам на тры гады[6]. Марадона мусіў пачаць выконваць свае абавязкі пасля заканчэння чэмпіянату свету ў Расіі[7]. 16 ліпеня 2018 года Дыега наведаў Брэст, дзе назіраў за матчам «Дынама» з салігорскім «Шахцёрам» (паражэнне 1:3), а на наступны дзень ад’ехаў у Аргенціну. У верасні 2018 года ўзначаліў клуб другога дывізіёна Мексікі «Дарадас»[8], застаўшыся «ганаровым прадстаўніком» беларускага клуба. У чэрвені 2019 года праз праблемы са здароўем пакінуў пасаду галоўнага трэнера «Дарадас»[9].

У верасні 2019 года стаў галоўным трэнерам клуба «Хімнасія і Эсгрыма»[10], аднак ужо ў лістападзе, пасля змены кіраўніцтва клуба, быў адпраўлены ў адстаўку[11].

Зноскі

СпасылкіПравіць

ЛітаратураПравіць

  • Дыега Марадона // Беларуская энцыклапедыя. У 18 т. Т. 10. — Мінск: БелЭн, 2000. С. 102
  • Руднік В. Чэмпіёны свету па футболе 1930—2006. — Беласток: «Set-Print», 2006.