Дэкалог, тры
«Дэкало́г, тры» (польск.: Dekalog, trzy) — трэцяя частка дзесяцісерыйнага тэлецыкла «Дэкалог», прысвечанага Дзесяці запаведзям. Фільм зняты ў 1988 годзе польскім кінарэжысёрам Кшыштафам Кеслёўскім[3]. Прэм’ера фільма на польскім тэлебачанні адбылася 18 мая 1990 года[4].
Дэкалог, тры | |
|---|---|
| польск.: Dekalog, trzy | |
| Жанр | драма |
| Рэжысёр | |
| Прадзюсар | Рышард Чуткоўскі |
| Сцэнарыст | |
| У галоўных ролях |
|
| Аператар | |
| Кампазітар | |
| Кінакампанія | TELEWIZJA POLSKA S.A.[d] |
| Працягласць | 55 хв. |
| Краіна | |
| Мова | польская |
| Год | 1989 |
| Папярэдні фільм | Дэкалог, два |
| Наступны фільм | Дэкалог, чатыры |
| IMDb | ID 0094985 |
Фільм «Дэкалог, тры» адпавядае трэцяй з Дзесяці запаведзяў: «Памятай дзень святы святкаваць»[5].
Сюжэт правіць
| Трэцяя запаведзь паводле каталіцкай традыцыі: «Памятай дзень святы святкаваць»[5]. |
Пярэдадзень Божага Нараджэння. Януш (Даніэль Альбрыхскі), кіроўца таксі, пераапранаецца ў Святога Мікалая і прыносіць падарункі сваім дзецям і жонцы. Пазней ён здымае касцюм, і далучаецца да сямейнага святкавання. Пасля Януш з сям’ёй адпраўляецца ў касцёл на святочную імшу. У касцёле ён заўважае Эву (Марыя Пакульніс), з якой у яго тры гады таму быў раман.
Тым жа вечарам Эва прыходзіць к дому Януша і выклікае яго праз дамафон. Яна кажа, што шукае свайго мужа, які знік, і што ёй патрэбна яго дапамога. Януш пакідае дом, патлумачыўшы гэта тым, што нехта скраў яго таксі. Жонка Януша (Яанна Шчэпкоўска) нешта падазрае, і просіць яго не хадзіць. Януш адказвае, што таксі — іх адзіная крыніца даходаў, і ідзе. Януш і Эва праводзяць усю ноч разам, ездзячы па горадзе ў пошуках Эвінага мужа. Дарогай яны абмяркоўваюць сваё мінулае і цяперашняе. Януш вельмі хоча вярнуцца дамоў, каб святкаваць з сям’ёй, але Эва ўсяк хоча ўтрымаць яго побач з сабой і штораз робіць новыя і новыя захады, каб адшукаць мужа. Яны шукаюць яго ў бальніцах, у выцвярэзніку, на вакзале. У рэшце рэшт Януш пачынае здагадвацца, якую гульню вядзе Эва, але трымае гэта пры сабе.
А сёмай гадзіне раніцы Эва прызнаецца, што яна хлусіла Янушу. Яна даўно развялася з мужам, і ён ужо тры гады жыве са сваёй новай сям’ёй у Кракаве. Эва вымушана праводзіць святы ў адзіноце, назіраючы, як іншыя сем’і святкуюць у любові і спакоі, якіх у яе няма. Эва гаворыць, што гэтай ноччу яна рашыла згуляць у гульню: калі ёй удасца адарваць Януша ад сям’і і правесці ўсю ноч з ім, то ўсё ў яе жыцці пойдзе на лад. Калі ж не — яна скончыць жыццё самагубствам.
На світанку яны развітваюцца. Януш вяртаецца да сваёй сям’і, а Эва — да сваёй адзіноты. Калі Януш прыходзіць дадому, жонка прачынаецца і пытае ў яго: «Эва?». «Эва», — адказвае Януш. «Зноў будзеш сыходзіць па вечарах?» — пытае жонка. «Не. Не буду», — адказвае Януш.
Акцёрскі склад правіць
| Даніэль Альбрыхскі | – Януш |
| Марыя Пакульніс | – Эва |
| Яанна Шчэпкоўска | – жонка Януша |
| Артур Барчыш | – кіроўца трамвая |
| Кшыштаф Кумар | – урач |
| Дарота Сталіньска | – работніца вакзала, што катаецца на скейтбордзе |
| Уладзімеж Мусял | – работнік выцвярэзніка |
| Хенрык Бараноўскі | – Кшыштаф («Дэкалог, адзін») |
| Яцэк Калуцкі | – міліцыянер |
Саўндтрэк правіць
Выхад правіць
Прэм’ера фільма адбылася 7 верасня 1989 года на Венецыянскім кінафестывалі[4]. Пазней фільм дэманстраваўся на Кінафестывалі ў Чыкага 19 кастрычніка 1989 года[6]. Прэм’ера фільма на польскім тэлебачанні адбылася 18 мая 1990 года[4].
Зноскі правіць
- ↑ http://www.fdb.cz/film/dekalog-iii-dekalog-trzy/tisk/35541
- ↑ http://www.filmweb.pl/film/Dekalog+III-1988-4976
- ↑ Dekalog (польск.). Інтэрнэт-база польскага кіно. Праверана 17 чэрвеня 2021.
- ↑ а б в Dekalog, trzy (TV Episode 1989) — Release Info (англ.). Сайт «Internet Movie Database». Праверана 17 чэрвеня 2021.
- ↑ а б Агульны катэхізіс . Афіцыйны інтэрнэт-партал Каталіцкага Касцёла ў Беларусі. Праверана 17 чэрвеня 2021.
- ↑ Chicago International Film Festival (англ.). Сайт «Chicago Reader» (12 кастрычніка 1989). Праверана 17 чэрвеня 2021.
Літаратура правіць
- Joseph G. Kickasola. The Films of Krzysztof Kieślowski:The Liminal Image. — A&C Black, 2004. — 332 p. — ISBN 978-0-826-41559-2.
Спасылкі правіць
- Дэкалог, тры на сайце «Internet Movie Database» (англ.)