Жалезадэфіцытнае малакроўе
Жалезадэфіцытнае малакроўе — паніжаны ўзровень гемаглабіну і чырвоных крывяных цельцаў у крыві ў сувязі з нястачай жалеза. Ёсць найбольш распаўсюджаным відам малакроўя. Ускладненне хваробы вядзе да ішэміі і інфаркту міякарда, заўчаснага старэння ў выніку кіслароднага галадання тканак[3].
| Жалезадэфіцытнае малакроўе | |
|---|---|
 Эрытрацыты | |
| МКХ-10 | D50. |
| МКХ-9 | 280 |
| МКБ-9-КМ | 280.8[1][2] і 280.9[2] |
| DiseasesDB | 6947 |
| MedlinePlus | 000584 |
| eMedicine | med/1188 |
| MeSH | D018798 |
 Медыяфайлы на Вікісховішчы | |
Папярэджанне правіць
Найлепшым спосабам прадухіліць хваробу ёсць штодзённы прыём багатай на жалеза ежы жывёльнага паходжання (мяса, рыба, хатняя птушка, тварог, цвёрды сыр і яйкі). Шмат жалеза таксама змяшчаюць бабовыя, бульба і рыс. Аднак жалеза з гародніны горш засвойваецца[3].
Прычыны правіць
Узнікненню хваробы спрыяе недастатковае паступленне жалеза з ежай, парушэнне ўсмоктвання жалеза ў кішэчніку і кровастрата ў выніку хранічнай хваробы (гастрыт, язва страўніка і 12-палай кішкі, паліп і рак тоўстай кішкі, грыжа страўніка). Таксама шкодзяць рэўматоідны артрыт, гепатыт, глісная хвароба і сэпсіс. Усмоктванню жалеза перашкаджае і працяглы прыём лекаў, што замінаюць вытворчасці салянай кіслаты страўніка[3].
Праявы правіць
Хвароба на пачатку выяўляецца праз павышаную стомленасць і бледнасць скуры пазногцевых ложаў, далоняў, унутранай паверхні павекаў і вуснаў. Адзначаецца пахаладанне кісцяў і ступняў, галавакружэнне і пачашчанае сэрцабіцце[3].
Зноскі
- ↑ Disease Ontology — 2016. Праверана 15 мая 2019.
- ↑ а б Monarch Disease Ontology release 2018-06-29 — 2018-06-29 — 2018. Праверана 27 ліпеня 2018.
- ↑ а б в г Святлана Барысенка. Анемія спрыяе ішэміі і заўчаснаму старэнню // Звязда : газета. — 19 лютага 2011. — № 84 (26948). — С. 5. — ISSN 1990-763x.(недаступная спасылка)
Спасылкі правіць
|
Жалезадэфіцытнае малакроўе на Вікісховішчы |
|---|
- Жалеза ў дэфіцыце // Краіна здароўя. — 25 чэрвеня 2014. — № 10 (321). — С. 5.