Жэрар Ланвен

Жэрар Ланвен (фр.: Gérard Raymond Lanvin; нар. 21 чэрвеня 1950, Булонь-Біянкур, Францыя) — французскі акцёр.

Жэрар Ланвен
Дата нараджэння	21 чэрвеня 1950(1950-06-21) (73 гады)
Месца нараджэння	Булонь-Біянкур, arrondissement of Boulogne-Billancourt[d], дэпартамент О-дэ-Сен, рэгіён Іль-дэ-Франс, Метраполія Францыі, Францыя
Грамадзянства	Францыя
Жонка	Dominique Quilichini[d] і Jennifer Lanvin[d]
Дзеці	Manu Lanvin[d] і Léo Lanvin[d]
Адукацыя	Курсы Фларан[d]
Прафесія	акцёр, сцэнарыст, кінаакцёр, тэлеакцёр
Узнагароды
IMDb	ID 0487254
gerardlanvin.skyrock.com
Медыяфайлы на Вікісховішчы

Біяграфія

У 17 гадоў кінуў вучобу. Перабіваўся выпадковымі заробкамі, гандляваў джынсамі на парыжскім блышыным рынку. Пазнаёміўся з Міу-Міу і Калюшам, якія запрасілі яго працаваць у тэатр Кафэ дэ ла Гар. У тэатры Ланвен выконваў абавязкі працоўнага сцэны, асвятляльніка. Затым сумесна з Марцінам Ламотам і Крысцін Дэжо заснаваў сваё ўласнае кафэ-тэатр Ла Вэрв’е Пічард. Праз Калюша Ланвен атрымаў ролю ў камедыі «Вы не атрымаеце Эльзаса і Латарынгіі» (1977). Папулярнасць акцёр здабыў пасля «Выбару зброі» і атрымання Прыза Жана Габена за ролю ў фільме «Дзіўная справа». У Ланвене ўбачылі ўвасабленне новай мужнасці французскага кіно. Пасля поспеху «Спецыялістаў» Патрыса Леконта, дзе ён сыграў з Бернарам Жырадо, ён заняў месца ў шэрагу лепшых акцёраў Францыі. Ланвен разам Патрысам Леконтам і Патрыкам Дэвулфам напісаў сцэнарый карціны «Я хачу цябе» (1985). Фільм атрымаў негатыўную крытыку і быў няўдалым ў камерцыйным плане. У 1990-х гадах акцёр здымаўся рэдка, аддаючы перавагу працу ў вядомых рэжысёраў: Клода Лелуша, Ніколь Гарсіі, Бертрана Бліе.