Жэшоўскі ўніверсітэт

Жэшоўскі ўніверсітэт (польск.: Uniwersytet Rzeszowski) — польская дзяржаўная вышэйшая навучальная ўстанова са статусам універсітэта і з сядзібай у горадзе Жэшаў.

Жэшоўскі ўніверсітэт
польск.: Uniwersytet Rzeszowski
Арыгінальная назва	польск.: Uniwersytet Rzeszowski
Міжнародная назва	University of Rzeszów
Заснаваны	2001
Тып	класічны ўніверсітэт
Рэктар	Сільвестр Чопэк
Рэктар	Sylwester Czopek[d]
Студэнты	16 000
Размяшчэнне	Жэшаў
Юрыдычны адрас	вул. Тадэуша Рэйтана 16с, 35-959 г. Жэшаў, Польшча
Сайт	ur.edu.pl
Медыяфайлы на Вікісховішчы

Гісторыя

Вытокі ўніверсітэта сягаюць 1965 года, калі была створана Вышэйшая педагагічная школа ў Жэшаве. У 1969 годзе ў Жэшаве быў створаны філіял Універсітэта Марыі Складоўскай-Кюры, а ў 1973 годзе - факультэт эканомікі вытворчасці і гандлю ў сельскай гаспадарцы Сельскагаспадарчага ўніверсітэта імя Гуга Калантая ў Кракаве. 1990-я гады азнаменаваліся інтэнсіўнымі намаганнямі па стварэнні асобнага ўніверсітэта.

1 верасня 2001 года з'яўляецца афіцыйнай датай стварэння ўніверсітэта, які быў утвораны ў выніку аб'яднання трох існуючых у Жэшаве вышэйшых навучальных устаноў: Вышэйшай педагагічнай школы, філіяла Універсітэта Марыі Складоўскай-Кюры, а таксама мясцовага факультэта Сельскагаспадарчай акадэміі. Першым рэктарам стаў прафесар Тадэуш Лютэк.

У 2006 годзе з нагоды пяцігоддзя ўніверсітэта ў якасці нябеснай апякункі ўніверсітэта была абраная Святая Ядвіга Анжуйская.

Структура

• калегіум гуманітарных навук
• калегіум сацыяльных навук
• калегіум прыродазнаўчых навук
• калегіум медыцынскіх навук

Спасылкі

• На Вікісховішчы ёсць медыяфайлы па тэме Жэшоўскі ўніверсітэт
• Афіцыйная інтэрнэт-старонка ўніверсітэта