Запіскі Самсона Самасуя
«Запіскі Самсона Самасуя» — сатырычны раман беларускага пісьменніка Андрэя Мрыя, напісаны ў 1929 годзе. Найбольш вядомы яго твор.
| Запіскі Самсона Самасуя | |
|---|---|
 | |
| Жанр | сатыра |
| Аўтар | Андрэй Мрый |
| Мова арыгінала | беларуская |
| Дата напісання | 1929 |
| Дата першай публікацыі | 1988 |
| Выдавецтва | Полымя |
| Электронная версія | |
Два першыя «скруткі» (часткі) апублікаваныя ў часопісе «Узвышша»[1]; пасля раман абвешчаны «злосным пасквілем на савецкую рэчаіснасць»[2], у 1934 годзе аўтар рэпрэсаваны. Цалкам апублікаваны ў 1988 годзе ў часопісе «Полымя» №1. У 1990 годзе выйшла экранізацыя рэжысёра Уладзіміра Арлова «Пратарчака жыцця, або Запіскі Самсона Самасуя».
Сюжэт
правіць«Запіскі» напісаныя ад асобы загадчыка культаддзела райвыканкама Самсона Самасуя, адсутнасць кампетэнтнасці якога кампенсуецца надзвычайнай актыўнасцю ў галіне арганізацыі культуры. Самасуй ладзіць абсурдныя культурныя мерапрыемствы, намагаючыся ў найхутчэйшы тэрмін «узняць узровень культуры» ў раёне, адначасна імкнучыся любымі сродкамі наладзіць уласнае прыватнае жыццё. У канцы рамана пасля выяўлення ў раёне мястэчка «трагладытаў» і скандальнай тэатральнай пастановы некампетэнтнага Самасуя падвышаюць і пераводзяць у акруговы культаддзел.
Зноскі
- ↑ Імёны Свабоды: Андрэй Мрый (1893—1943). Радыё «Свабода» (16 сакавіка 2007). Праверана 7 кастрычніка 2018.
- ↑ Андрэй Мрый(недаступная спасылка). Электронны каталог. Навуковая бібліятэка БНТУ. Архівавана з першакрыніцы 11 кастрычніка 2018. Праверана 7 кастрычніка 2018.
Спасылкі
правіць- Запіскі Самсона Самасуя (аповесьць). // Узвышша. — Менск: Узвышша, 1929. — № 3 (15). — С. 31—56.
- Запіскі Самсона Самасуя (аповесьць). // Узвышша. — Менск: Узвышша, 1929. — № 4 (16). — С. 48—62.
- Запіскі Самсона Самасуя (аповесьць). // Узвышша. — Менск: Узвышша, 1929. — № 6 (17). — С. 33—71.
- Чытальная зала радыё «Свабода»