Манастырок (Гомель)

Засценак Манастырок (пасля далучэння проста Манастырок) — гістарычны раён горада Гомеля. Тэрытарыяльна размешчаны па-за сучаснай вуліцы Інтэрнацыянальная (за мастом «Кавальны-1»), паміж чыгуначным палатном і вёскай Любны, а з поўначы абмежаваны вуліцамі Беларускай і Леванеўскай.

Від на Манастырок, з боку Любенскага возера

Манастырок з’яўляецца часткай былой Спасавай Слабады. Таксама як і Спасава Слабада, Манастырок быў першапачаткова заселены стараверамі.

Геаграфічныя адметнасці

Гістарычным цэнтрам раёна з’яўляюцца вуліцы: 1-я Заводская (раней Падгорная) і 2-я Заводская (раней Манастырская).

Вуліца ў Манастырку

Вядомым месцам Манастырка з’яўляецца так званая «Басава гара», самая высокая кропка Манастырка, на якой размяшчаўся дом заможнага абшарніка па прозвішчу Шаўцоў (рас. Шевцов).

Гістарычныя адметнасці

Манастырок вядомы сваім лесапільным заводам Левіціна (па інш. версіі Левітана). Гэта адлюстравана на карце Гомеля 1910 года. На той жа карце 1910 года, Манастырок апошніраз узгадаваецца пад назвай «Засценак Манастырок» .

Забудова Манастырка

Яшчэ адной адметнасцю былі могілкі старавераў, якія знаходзіліся недалёка ад Басавай гары (не захаваліся).

Пахаванні на месцы былых могілак у Манастырку.

Літаратура

• Рогалев, А. Ф. От Гомиюка до Гомеля: городская старина в фактах, именах, лицах / А. Ф. Рогалев. — [2-е изд., переработанное и дополненное]. — Гомель : Барк, 2006. — 218 с.
• Вершинин, С. Новые этюды старого города: Монастырёк // Гомельские ведомости, 5 декабря 2022.

Спасылкі

• На Вікісховішчы ёсць медыяфайлы па тэме Манастырок (Гомель)
• Район Монастырька в Гомеле Архівавана 14 жніўня 2020.