Зміцер Бартосік

Зміцер Бартосік (нар. 1969, Рыбінск, Яраслаўская вобласць) — беларускі бард, пісьменнік.

Зміцер Бартосік
Зміцер Бартосік. Баранавічы, 1998 год.
Асабістыя звесткі
Дата нараджэння	1969
Месца нараджэння	Рыбінск, Яраслаўская вобласць, РСФСР, СССР
Грамадзянства	СССР  Беларусь
Прафесійная дзейнасць
Род дзейнасці	пісьменнік, паэт, спявак
Мова твораў	беларуская
Прэміі	літаратурная прэмія імя Ежы Гедройца (2017) Прэмія імя Алеся Адамовіча (2017)
Медыяфайлы на Вікісховішчы
Цытаты ў Вікіцытатніку

Біяграфічныя звесткі

Нарадзіўся ў Рыбінску (Расія). У школу пайшоў у казахстанскім Усць-Каменагорску. Працягнуў вучобу ў расійскім Горкім. У 1979­ годзе сям’я пераехала ў беларускі Гомель, калі ён быў трэцякласнікам. З 13 год авалодаў гітарай, вырас на песнях Высоцкага і Акуджавы. Бацькі Зміцера былі тэатраламі: бацька — рэжысёр, маці — актрыса.

Жыве ў Мінску, Беларусь.

Мае трох дзяцей.

Літаратурная творчасць

У 2002 годзе выдаў кнігу апавяданняў з уласнага жыцця «Чорны пісталет».

У кнізе «Быў у пана верабейка гаварушчы» (2016) няма агульнавядомых фактаў і амаль няма вядомых сюжэтаў. Аўтар сабраў разам гісторыі, пра якія сведкі адважыліся расказаць толькі ў канцы жыцця. Тым не менш, факты і сюжэты складаюцца ў карціну Беларусі ХХ стагоддзя.

Аўтар кнігі «Клініка кітайскага дантыста» (2018) адпраўляецца ў падарожжа па «забытых адрасах» культуры. Ён знаходзіць сляды француза Гіёма Апалінэра ў Беларусі і беларуса Аляксандра Рыпінскага ў лонданскім Тотэнхэме, расказвае кур’ёзныя, страшныя, смешныя гісторыі пра Уладзіміра Караткевіча і іншых беларускіх пісьменнікаў, апавядае пра даўно зніклы Менск.

Дыскаграфія

• «Да пабачэння, do widzenia, viso gero» (1996)
• «Гандураскі серыял» (2007)
• «Дарога на Вільню» (2008)
• «tut.ru» (2009)
• «Дзве гітары» (2013)

Прэміі і ўзнагароды

Атрымаў літаратурную прэмію Ежы Гедройца-2017 за кнігу «Быў у пана верабейка гаварушчы». Лаўрэат прэміі імя Алеся Адамовіча 2017 за кнігу «Быў у пана верабейка гаварушчы».

Спасылкі

• Радыё Рацыя, Зміцер Бартосік выступіць у Оршы(недаступная спасылка)
• Зміцер Бартосік: «Не бабнік я, хоць ты трэсні!»
• Зміцер Бартосік стаў тройчы татам
• Беларускія аўтары на КАМУНІКАТ Архівавана 2 чэрвеня 2009.