Вікіпедыя

Зорныя войны: Абуджэнне Сілы

Зорныя войны. Абуджэнне сілы[29] (англ.: Star Wars: The Force Awakens) — амерыканскі фільм рэжысёра Дж. Дж. Абрамса у жанры касмічнай оперы, сёмы эпізод сагі «Зорныя войны»[30][31]. З'яўляецца працягам фільма «Зорныя войны. Эпізод VI: Вяртанне джэдая», а таксама пачаткам трэцяй трылогіі[31][30]. Сусветная прэм'ера фільма адбылась 14 снежня 2015 года ў Лос-Анжэлесе, пасля чаго, 15 снежня, фільм быў ўпершыню паказаны ў Еўропе - у Лондане. Выхад фільма ў пракат адбыўся 16 снежня, у ЗША фільм выйшаў на экраны 18 снежня. У Беларусі прэм'ера адбылася ў ноч з 16 на 17 снежня 2015[32].

Зорныя войны. Абуджэнне сілыM:
англ.: Star Wars: The Force Awakens[1]
Постар фільма
Жанр навукова-фантастычны фільм[d][8][9][…], прыгодніцкі фільм[10][8][…], баявік[8][9][…], фэнтэзійны фільм[4][9][…], касмічная опера[d] і кінафантастыка
Рэжысёр
Прадзюсар
Сцэнарыст
У галоўных
ролях
Аператар
Кампазітар
Кінакампанія Lucasfilm[d][9], Bad Robot Productions[d][9], Truenorth[d], Walt Disney Pictures і Walt Disney Studios Motion Pictures[d]
Працягласць 138 хв.[26]
Бюджэт 245 000 000 $[27]
Зборы 2 068 223 624 $[27], 936 662 225 $[28], 88 527 046 $[28] і 123 017 325 £
Краіна
Мова англійская
Год 16 снежня 2015[2][3], 17 снежня 2015[4][5][…], 18 снежня 2015[6][7] і 9 студзеня 2016
Папярэдні фільм Star Wars: The Clone Wars[d]
Наступны фільм Rogue One: A Star Wars Story[d]
IMDb ID 2488496
Афіцыйны сайт (англ.)
Лагатып Вікісховішча Медыяфайлы на Вікісховішчы

Аб стварэнні фільма было абвешчана 30 кастрычніка 2012 года[33], пасля набыцця Lucasfilm кампаніяй Walt Disney.

Фільм усталяваў гістарычныя рэкорды збораў: у першы ўікэнд пракату ў ЗША ($248 млн) і ва ўсім свеце ($529 млн)[34]; сусветныя зборы - $1 млрд за 12 дзён.

На дадзены момант фільм з'яўляецца самым касавым фільмам 2015 года, а таксама займае трэці радок у спісе самых касавых фільмаў за ўсю гісторыю кінематографа, са зборамі больш за $1,8 млрд.

Гэта другі фільм кінасагі які выйшаў у фармаце 3D (першым быў «Уяўная пагроза», які перавыпусцілі ў 3D-фармаце ў 2012 годзе[35].

Сюжэт правіць

Дзеянне фільма разгортваецца прыблізна праз 30 гадоў пасля падзей «Вяртання джэдая»[36]. Люк Скайуокер, апошні джэдай, знік. Першы Ордэн, пераемнік Галактычнай Імперыі, прачэсвае галактыку ў пошуках Люка. Шукае яго і Супраціўленне — войскі Альянса паўстанцаў, якія ўзначальвае сястра Люка, генерал Лея Аргана. По Дэмеран, лепшы пілот Супраціўлення, пасланы ў вёску на планеце Джаку, каб адшукаць карту з месцазнаходжаннем Люка Скайуокера. Але штурмавікі, якіх вядзе Капітан Фазма і Кайла Рэн, адэпт Цёмнага боку Сілы, бяруць у палон По і знішчаюць вёску. Дроід По, BB-8, збягае з картай і натыкаецца на паселішча-барахолку, жыхары якога шукаюць і прадаюць тэхнічнае смецце. Там ён сустракае маладую шукальніцу Рэй і заводзіць з ёй сяброўства.

Кайла Рэн пранікае ў розум По, каб даведацца пра BB-8. Штурмавік, якога адштурхнула жорсткасць Першага Ордэна, вырашае збегчы і вызваляе По. Выкрадзены імі TIE-знішчальнік церпіць крушэнне на Джаку. Штурмавік з парадкавым нумарам FN2187, якому По даў імя «Фін», апамятаўся ў пустыні, і бачыць, як іх карабель тоне ў зыбкіх пясках. Страціўшы свайго напарніка, ён цягнецца па пустыні ў пошуках вады і знаходзіць паселішча. Сустрэўшы там Рэй і BB-8, ён прадстаўляецца байцом Супраціўлення. Першы Ордэн высочвае Фіна і наносіць наземны і авіяўдар па паселішчы, вымушаючы Рэй, Фіна і BB-8 выкрасці стары касмічны карабель — не ведаючы, што гэта Тысячагадовы Сокал — і пакінуць планету.

Неўзабаве ў іх новым караблі ўзнікае няспраўнасць, з-за якой яны вымушаны дрэйфаваць у космасе. «Сокала» знаходзяць Хан Сола з Чубакам. Яны распавядаюць Рэй і Фіну, што Люк Скайуокер знік пасля таго, як яго вучань прыняў Цёмны бок Сілы і назваўся Кайла Рэнам. На базе Старкілер, планеце, пераўтворанай у супер-зброю, здольную знішчаць цэлыя зорныя сістэмы, Вярхоўны лідар Першага Ордэна, Сноўк, становіцца новым настаўнікам Кайла Рэна. Каб Рэн пераадолеў у сабе покліч Светлага боку Сілы, Сноўк кажа яму забіць свайго бацьку, Хана Сола.

Прыбыўшы на планету Таканада, каманда «Сокала» сустракае Маз Канату, якая не адразу згаджаецца дапамагчы даставіць BB-8 да Супраціўлення. Фін вырашае пайсці сваёй дарогай. Сіла кліча Рэй да светлавога мяча Энакіна Скайуокера, але меч выклікае ў яе жудасныя бачанні, і яна ўцякае ў лес. Фін забірае на захоўванне светлавы меч.

Першы Ордэн высаджваецца на Таканаду, даведаўшыся ад шпіёна пра прысутнасць на планеце дроіда BB-8. Тым часам база Старкілер знішчае адну з зорных сістэм Рэспублікі. Хан, Чубака і Фін уступаюць у бой з Першым Ордэнам, і атрымліваюць нечаканую дапамогу ад эскадрыллі караблёў X-wing. Эскадрылляй камандуе По, якому ўдалося выжыць пры крушэнні на Джаку. Збеглую Рэй захоплівае ў палон Кайла Рэн і вязе на базу Старкілер. Рэн спрабуе счытаць карту з розуму Рэй, але яна апыняецца здольнай аказаць яму супраціўленне. Пасля некалькіх спроб ёй удаецца скарыстацца Зманам Розуму супраць штурмавіка-ахоўніка і збегчы з камеры. Хан пасля доўгага расстання сустракае Лею, прыбыўшы разам з Чубакам і Фінам у апорны пункт Супраціўлення на планеце Д'Квар, дзе дроід R2-D2 знаходзіцца ў спячым рэжыме з моманту знікнення Люка.

Пакуль база Старкілер рыхтуе ўдар па Д'Квар, Супраціўленне распрацоўвае план: пракрасціся на паверхню Старкілера і апусціць яго сілавыя шчыты, каб знішчальнікі змаглі атакаваць уразлівае месца базы. На Тысячагадовым Сокале Хан, Чубака і Фін садзяцца на базу, апускаюць шчыты і ўз'ядноўваюцца з Рэй. X-Wing По Дэмерана не можа пашкодзіць прыстасаванне, таму Хан і Чубака закладваюць узрыўчатка, каб стварыць праход. Кайло Рэн з'яўляецца, каб спыніць іх. Хан стаіць з ім твар у твар, называючы яго сапраўдным імем «Бен», і спрабуе пераканаць сына пакінуць цёмны бок. Кайла Рэн, перажываючы ўнутраную барацьбу, забівае Хана. По Дэмеран знішчае прыстасаванне, запускаючы рэакцыю, якая разбурае Старкілер.

Кайла Рэн наганяе Фіна і Рэй на паверхні базы. Фін спрабуе біцца з Рэнам з дапамогай светлавога мяча Энакіна, але Рэн выбівае меч Фіна і цяжка раніць яго. Рэй выкарыстоўвае Сілу, прыцягвае меч і перамагае Рэна. Планета пачынае разбурацца, і паміж імі ўтвараецца расколіна. Абодва выжываюць. Рэй, Фін і Чубака эвакуіруюцца на Тысячагадовым Сокале, а Кайла Рэна забіраюць людзі Сноўка.

Супраціўленне святкуе перамогу і аплаквае Хана. Нечакана прачынаецца R2-D2, у якім захоўваліся астатнія часткі карты, што вядзе да Люка Скайуокера. Рэй, Чубака і R2-D2 на Сокале ляцяць да аддаленай планеты, на якую паказвае карта. Там Рэй знаходзіць Люка і падае яму светлавы меч яго бацькі.

У ролях правіць

Акцёр Роля
Джон Баега[37] Фін[38] Фін[38]
Дэйзі Рыдлі[37] Рэй[38] Рэй[38]
Адам Драйвер[37] Кайла Рэн Кайла Рэн
Оскар Айзек[37] По Дэмеран[38] По Дэмеран[38]
Эндзі Серкіс[37] Сноўк[39] вярхоўны лідар Сноўк[39]
Донал Глісан[37] Хакс генерал Хакс
Макс фон Сюдаў[37] Лор Сан Тэка Лор Сан Тэка
Харысан Форд[37] Хан Сола Хан Сола
Кэры Фішэр[37] Лея Аргана Лея Аргана
Марк Хэміл[37] Люк Скайуокер Люк Скайуокер
Энтані Дэніэлс[37] C-3PO C-3PO
Пітэр Мэйх'ю[37] Чубака Чубака
Кені Бейкер[37] R2-D2 R2-D2
Люпіта Ніёнга[40] Маз Каната Маз Каната
Акцёр Роля
Гвендалін Крысці[40] Фазма капітан Фазма
Крыстал Кларк
Піп Андэрсан
Крысціна Чонг
Мілтас Ероліму
Грэг Гранберг
Уорык Дэвіс
Білі Лурд
Мэйсі Рычардсан-Селерс Кор Села Кор Села
Іка Ювайс
Яян Руіян
Джэсіка Хенвік
Сайман Пег

Вытворчасць правіць

 
Дж. Дж. Абрамс

З верасня 2012 года над фільмам пачала працаваць выканаўчы прадюсар Кэтлін Кенэдзі пры асабістым кансультаванні Джорджа Лукаса[41]. Майкл Арндт быў затвержаны ў якасці сцэнарыста сёмага эпізода сагі ў лістападзе 2012 года. Кампанія Walt Disney пазней падтвердзіла, што Лоўрэнс Кэздан, сцэнарыст фільмаў «Імперыя наносіць удар у адказ» і «Вяртанне джэдая», і Сайман Кіндберг стануць кансультантамі новага эпізода[41].

Дж. Дж. Абрамс быў затвержаны Walt Disney[42] як рэжысёр фільма ў студзені 2013 года, хаця да гэтага асобныя СМІ паведамілі, што Абрамс адмовіўся ад гэтай пасады[33]. Згодна з асобнымі крыніцамі[42], трэцяя трылогія, якую пачынае сёмы эпізод, не будзе закрываць сагу, а наадварот, стане апорай для новых спін-офаў.

У студзені 2013 года таксама было паведамлена, што назва эпізода будзе дапоўнена словамі «Новае світанне» (англ.: New Dawn), але афіцыйнага падтвержання Walt Disney не было. 6 лістапада 2014 было абвешчана, што сёмы эпізод будзе называцца «Абуджэнне сілы» (англ.: The Force Awacens)[43][44][45].

У студзені 2015 года у інтэрв'ю Cinema Blend Джордж Лукас абвясціў, што Walt Disney адмовіліся засноўваць сцэнар сёмага эпізода на сюжэтных завязках для ўсіх трох фільмаў, якія ён перадаў ім:

«Я перадаў свае напрацоўкі ў ″Дысней″, але там у выніку вырашылі, што яны не хацяць імі карыстацца і прыдумалі ўласныя гісторыі. Такім чынам сюжэт сёмага эпізода не мае нічога агульнага з тым, што першапачаткова напісаў»[46].

Кастынг правіць

Сярод актораў, якія здымаюцца ў сёмым эпізодзе будуць Марк Хэміл (Люк Скайуокер), Кэры Фішэр (Лея Аргана) і Харысан Форд (Хан Сола) - акторы, якія здымаліся ў чатвёртым , пятым і шостым эпізодах[47].

29 красавіка 2014 года быў абвешчаны акторскі састаў. У яго увайшлі Энтані Дэніелс і Кені Бейкер, якія сыграюць, адпаведна, C-3PO і R2-D2. Такім чынам яны застануцца адзінымі акторамі, якія прымуць удзел ва ўсіх эпізодах сагі. Акрамя іх, у акторскі састаў увайшлі Пітэр Мэйх'ю, які выканае ролю Чубакі, а таксама Адам Драйвер, Оскар Айзек, Эндзі Серкіс, Донал Глісан, Макс фон Сюдаў, Джон Баега і Дэйзі Рыдлі[48].

Здымкі правіць

У лістападзе 2013 года было абвешчана аб месцы і часе здымак, дзе згодна з афіцыйна абвешчанымі данымі будзе зняты працяг сагі. Згодна з крыніцамі, блізкімі да студыі і інфармацыі самой студыі, першы фільм новай трылогіі будзе здымацца на пляцоўцы кампаніі «Пайнвуд» у прыгарадзе Лондана, а сама праца пачнецца ўжо вясной 2014 года[49]. У красавіку стала вядома, што шэраг здымак пройдзе ў Абу-Дабі у ААЭ[50]. 12 чэрвеня 2014 года Харысан Форд, які выконваў ролю Хана Сола, быў дастаўлены ў бальніцу са здымачнай пляцоўкі[51]: на нагу актора ўпаля цяжкая гідраўлічная дзвер[51]. У ліпені 2014 таксама адбываліся здымкі з удзелам Марка Хэміла на востраве Скелінг-Майкл у ірландскім графстве Керы.

Асноўныя здымкі скончыліся 3 лістапада 2014 года[52].

Музыка правіць

Музыку для новага фільма напісаў Джон Уільямс, які з’яўляецца кампазітарам усіх шасці папярэдніх эпізодаў сагі[53].

Рэкламная кампанія правіць

У канцы лістапада 2014 года быў прадстаўлены афіцыйны тізэр-трэйлер фільма[54][55]. 16 красавіка 2015 года, у рамках мерапрыемства Star Wars Celebration, Дж. Дж. Абрамс і Кэтлін Кенэдзі прапанавалі мноства новых матэрыялаў аб фільме, у тым ліку і дзьвухмінутны тізэр[56].

19 кастрычніка 2015 года быў прадстаўлены фінальны трэйлер фільма[57]. Рэліз фінальнага трэйлера азначаў адначасовы старт перадпаказа білетаў на прэм'еру у IMAX-кінатэатры. У першыя 12 гадзін фільм пабіў ўсе рэкорды блакбастэраў, а сайты шмат якіх з сетак кінатэатраў упалі з-за вялікай цікаўнасці да фільма[58]. Па стану на 20 лістапада 2015 года фільм зарабіў на папярэдніх продажах білетаў 50 міліёнаў долараў.

14 снежня, за два дні да прэм'еры фільма ў пракаце, пры ўделе акцёраў адбыўся перадпаказ фільма ў Лос-Анжэлесе, а на наступны дзень - у Лондане. Пасля перадпаказа ў сеціва папала інфармацыя аб фінале фільма, што засмуціла шматлікіх фанатаў серыі.

Рэакцыя ў свеце правіць

Рэакцыя на будучы фільм была вельмі кантрастнай[59]. У асноўным крытыкі апасаліся, што працяг будзе абапірацца на славу фільмаў, а якасць і сюжэт будуць саступаць мінулым эпізодам.

Першыя водгукі кінакрытыкаў былі пазітыўнымі. У іх адзначалася, што фільм вярнуў кінасазе дух класічных «Зорных войн» 1970-ых гадоў, пры гэтым прыўнёсшы сучасныя спецэфекты, асабліва ў паражальных баявых сцэнах[60].

Выпуск правіць

У лістападзе 2013 года фільм атрымаў дату рэліза, прызначаную на снежань 2015 года, што робіць яго другім фільмам пасля «Зорныя войны: Войны клонаў» (выйшаў у жніўні 2008), які не выйшаў у маі, як было з іншымі карцінамі[61]. У сакаваіку 2014 года кампанія Disney падтвердзіла, што фільм выйдзе ў IMAX[62]. У назве сёмага фільма адсутнічае парадкавы нумар эпізода, уласцівы ранейшым фільмам сагі, але ён будзе паказаны падчас уступных тытраў: «Зорныя войны. Эпізод VII: Абуджэнне сілы» (англ.: Star Wars Episode VII: The Force Awakens)[63][64].

Сіквелы правіць

Асноўны артыкул: Зорныя войны. Эпізод VIII

20 чэрвеня 2014 года стала вядома, што рэжысёр фільма «Пятля часу» Раян Джонсан здыме Эпізод VIII[65] і напіша сцэнар «Эпізода IX»[66][67]. Здымкі «Эпізода VIII» пачаліся ў верасні 2015 года[67][68], прэм'ера намечана на 26 мая 2017 года[69].

Зноскі правіць

  1. ↑ а б в г д е ё film-dienst — 1947. — ISSN 0720-0781 Праверана 8 лютага 2016.
  2. ↑ http://www.sfi.se/sv/svensk-filmdatabas/Item/?itemid=82395&type=MOVIE&iv=Basic
  3. ↑ http://www.cnc.fr/web/fr/rechercher-une-oeuvre/-/visa/143529
  4. ↑ а б в г http://www.siamzone.com/movie/m/7962 Праверана 28 снежня 2015.
  5. ↑ http://www.imdb.com/title/tt2488496/releaseinfo Праверана 28 снежня 2015.
  6. ↑ http://nmhh.hu/dokumentum/169802/premierfilmek_forgalmi_adatai_2015.xlsx
  7. ↑ http://nmhh.hu/dokumentum/198182/terjesztett_filmalkotasok_art_filmek_nyilvantartasa.xlsx
  8. ↑ а б в http://www.fandango.com/starwars:theforceawakens_169229/castandcrew Праверана 28 снежня 2015.
  9. ↑ а б в г д http://www.imdb.com/title/tt2488496/ Праверана 28 снежня 2015.
  10. ↑ http://www.imdb.com/title/tt2488496/
  11. ↑ а б в г д е ё ж з і к л м н о п р с http://www.bbfc.co.uk/releases/star-wars-force-awakens-2015 Праверана 27 снежня 2015.
  12. ↑ Smith D. Abrams, J.J. // Disney A to Z: The Official Encyclopedia — 1996.
  13. ↑ http://www.cinemarx.ro/filme/Star-Wars-Episode-VII-The-Force-Awakens-Star-Wars-Trezirea-fortei-2516017.html Праверана 28 снежня 2015.
  14. ↑ https://www.siamzone.com/movie/m/7962 Праверана 7 красавіка 2016.
  15. ↑ а б в г д е ё ж з і к л м http://www.imdb.com/title/tt2488496/ Праверана 27 снежня 2015.
  16. ↑ а б в http://www.siamzone.com/movie/m/7962 Праверана 27 снежня 2015.
  17. ↑ а б в г д е ё ж з і к л м н http://www.imdb.com/title/tt2488496/fullcredits Праверана 27 снежня 2015.
  18. ↑ http://www.imdb.com/title/tt0903624/fullcredits Праверана 27 снежня 2015.
  19. ↑ а б в г д е ё ж з і к л м н о п р с т у ф х ц ч ш э ю я аа аб Internet Movie Database — 1990. Праверана 25 студзеня 2016.
  20. ↑ а б в г д е ё ж з і к л м н о п р с т у ф х ц Internet Movie Database — 1990. Праверана 5 лютага 2016.
  21. ↑ http://www.mafab.hu/movies/star-wars-vii-resz-93867.html Праверана 27 снежня 2015.
  22. ↑ http://www.fandango.com/starwars:theforceawakens_169229/castandcrew Праверана 27 снежня 2015.
  23. ↑ http://www.theguardian.com/film/2015/dec/18/daniel-craig-stormtrooper-cameo-in-star-wars-the-force-awakens-revealed
  24. ↑ а б в http://www.ew.com/article/2015/12/20/jj-abrams-reveals-obi-wan-and-yoda-are-star-wars-force-awakens
  25. ↑ а б Česko-Slovenská filmová databáze — 2001.
  26. ↑ https://www.bbfc.co.uk/release/star-wars-the-force-awakens-q29sbgvjdglvbjpwwc0zotmyndc Праверана 2 лістапада 2023.
  27. ↑ а б http://www.boxofficemojo.com/movies/?id=starwars7.htm
  28. ↑ а б http://jpbox-office.com/fichfilm.php?id=13345 Праверана 8 ліпеня 2019.
  29. ↑ Звёздные войны: Пробуждение силы - впереди(недаступная спасылка). Walt disney Studios Sony Pictures Releasing. Архівавана з першакрыніцы 29 кастрычніка 2015. Праверана 14 снежня 2015.
  30. ↑ а б Dawe McNary. Star Wars Movies Coming in 2015, 2017 and 2019. Variety (17 красавіка 2013). Архівавана з першакрыніцы 4 чэрвеня 2013. Праверана 14 снежня 2015.
  31. ↑ а б New Star Wars Movies announced as Disney entres agreement to Acquire Lucasfilm Ltd. StarWars.com (30 кастрычніка 2012). Архівавана з першакрыніцы 5 чэрвеня 2013.
  32. ↑ Ночные показы «Звёздных войн» пройдут в Минске за день до премьеры Архівавана 15 снежня 2015.
  33. ↑ а б El nuewo episodio de Star Wars (VII) comienza a princpios 2013. Архівавана з першакрыніцы 18 сакавіка 2013. Праверана 10 сакавіка 2013.
  34. ↑ Star Wars: The Force Awakens. boxofficemojo.com.
  35. ↑ Star Wars in 3D Gets an Official Release Date(недаступная спасылка). Lucasfilm. Starwars.com (3 сакавіка 2011). Архівавана з першакрыніцы 21 чэрвеня 2011. Праверана 22 студзеня 2016.
  36. ↑ Star Wars: Episode VII Set to Roll Cameras May 2014 (англ.). StarWars.com (18 сакавіка 2014).
  37. ↑ а б в г д е ё ж з і к л м Star Wars: Episode VII Cast Announced (англ.). Star Wars.com (29 красавіка 2014).
  38. ↑ а б в Anthony Breznican. Star Wars: The Force Awakens Character Names Revealed (In Coolest Way Possible) — Exclusive (англ.). Entertainment Weekly (11 снежня 2014).
  39. ↑ Capturing a Galaxy: An Interview with Annie Leibovitz – Exclusive. StarWars.com. StarWars.com. Праверана May 28, 2015.
  40. ↑ а б Star Wars: Episode VII Adds Academy Award Winner Lupita Nyong’o and Game of Thrones’ Gwendoline Christie (англ.). Star Wars.com (2 чэрвеня 2014).
  41. ↑ а б disney compra Lucasfilm y anuncia el estreno de la séptima de Star Wars en 2015 - RTVE.es. Праверана 10 сакавіка 2013.
  42. ↑ а б BREAKING: J.J. abrams to Direct Star Wars: Episode VII! - ComingSoon.net(недаступная спасылка). Архівавана з першакрыніцы 27 студзеня 2013. Праверана 18 снежня 2015.
  43. ↑ Новость на официальной странице Walt Disney вТвиттере
  44. ↑ "New 'Star Wars' Movie Will Be Called 'The Force Awakens'". Businness Insider. 6 november 2014. {{cite news}}: Невядомы параметр |accesdate= ігнараваны (прапануецца |access-date=) (даведка); Праверце значэнне даты ў: |date= (даведка)
  45. ↑ "Новый эпизод "Звёздных войн" получил название". РЕН ТВ. 6 ноября 2014. Архівавана з арыгінала 4 сакавіка 2016. Праверана 18 снежня 2015. {{cite news}}: Невядомы параметр |accesdate= ігнараваны (прапануецца |access-date=) (даведка); Невядомы параметр |deadurl= ігнараваны (прапануецца |url-status=) (даведка); Праверце значэнне даты ў: |date= (даведка) Архіўная копія(недаступная спасылка). Архівавана з першакрыніцы 4 сакавіка 2016. Праверана 18 снежня 2015.
  46. ↑ How George Lucas' Star Wars 7 Ideas Were Used By Disney - CINEMABLEND(недаступная спасылка)
  47. ↑ На кастинг «Звёздных войн» VII пришли 73 млн человек: главными героями стали люк Скайуокер, принцесса Лея и капитан Соло
  48. ↑ STAR WARS: EPISODE VII CAST ANNOUNCED. Star Wars.com (29 красавіка 2014).(недаступная спасылка)
  49. ↑ Седьмой эпизод «Звёздных войн» выйдет в декабре 2015 года, Рамблер. Новости, 8 октября 2013 года
  50. ↑ "Звёздные войны". Эпизод 7" уже снимаются в ОАЭ(недаступная спасылка)
  51. ↑ а б На Харрисона Форда упала дверь «Тысячелетнего сокола»
  52. ↑ tom Butler. Star Wars &: 'Extraordinary' Cast and Crew Hailed As Film Wramps. yahoo (3 лістапада 2014).
  53. ↑ Наталия Осипова. Композитор «Звёздных войн»хочет написать музыку к седбмому эпизоду(недаступная спасылка). Фильм Про. Архівавана з першакрыніцы 13 сакавіка 2013. Праверана 19 снежня 2015.
  54. ↑ gmbox.ru «Первый трейлер фильма «Звёздные войны: Эпизод 7»»(недаступная спасылка). Архівавана з першакрыніцы 20 верасня 2020. Праверана 19 снежня 2015.
  55. ↑ youtube.com «Star Wars: Episode VII - The Force Awakens Official Teaser Trailer #1 (2015) - J. J. abrams Movie HD».
  56. ↑ второй тизер-трейлер фильма «Звёздные войны: Пробуждение силы» Архівавана 18 сакавіка 2017.
  57. ↑ Watch 'Star Wars: The Force Awakens' Final Trailer - The Hoolywood Reporter
  58. ↑ Седьмая часть «Звездных войн» установила рекорд по предпродаже билетов(недаступная спасылка)
  59. ↑ Новая трылогія «Зорных войн»6: мара ці феерверк?
  60. ↑ Кинокритики в восторге от новых «Звёздных войн», BBCRussian.com, 16 снежня 2015 г.
  61. ↑ Breznican, Anthony. 'Star Wars^ Episode VII': Release set for December 18, 2015(недаступная спасылка) (Nowember 7, 2013). Архівавана з першакрыніцы 1 лістапада 2014. Праверана 30 снежня 2015.
  62. ↑ Disney to Release Avengers: Age of Ultron, star Wars: episode VII in IMAX (20 сакавіка 2014).(недаступная спасылка)
  63. ↑ Star Wars: Episode VII Will Be Called The Force Awakens (англ.). TheForce.net (6 лістапада 2014). Архівавана з першакрыніцы 16 верасня 2015. Праверана 25 лістапада 2015.
  64. ↑ Star Wars Episode VII: The Force Awakens (англ.). Афіцыйны сайт «Зорных войн». Архівавана з першакрыніцы 23 лістапада 2015. Праверана 30 снежня 2015.
  65. ↑ Oscar Isaac Talks 'Star Wars: The Force Awakens' and going after X-Men's Apocalypse (EXCLUSIVE). Moviefone (19 сакавіка 2015).
  66. ↑ Fleming Jr., Mike. UPDATED: ′Star Wars′ bombshell! Rian Johnson To Write, direct Next Two films. Deadline (20 чэрвеня 2015).
  67. ↑ а б Abid Rahman. 'Star Wars: Episode VIII' to Shoot at U.K.'s Pinewood. The Hollywood Reprter. Prometheus Globak Media (4 мая 2015).
  68. ↑ anthony Breznican. CORRECTED: Star Wars: Episode VIII will shoot in ireland this month. Entertainment Weekly. Entertainment Weekly (9 верасня 2015).(недаступная спасылка)
  69. ↑ Hipes, Patrick. "Star Wars 8" Gets 2017 Release Date, Spinoff "Rogue One". Deadline.com (12 сакавіка 2015).

Спасылкі правіць

Узята з "https://be.wikipedia.org/w/index.php?title=Зорныя_войны:_Абуджэнне_Сілы&oldid=4693607"