Зялёныя берэты (Боснія і Герцагавіна)
Зялёныя берэты ( басн.: Zelene beretke) — элітнае вайсковае падраздзяленне Рэспублікі Боснія і Герцагавіна, якое ўдзельнічала ў Баснійскай вайне. Набіраўся выключна з мусульманскага насельніцтва Босніі і Герцагавіны[крыніца?].
| Зялёныя берэты | |
|---|---|
| басн.: і харв.: Zelene beretke | |
 Эмблема падраздзялення | |
| Гады існавання | 10 чэрвеня 1991—пасля 1992 |
| Краіна |
 Боснія і Герцагавіна |
| Падпарадкаванне | Узброеныя сілы Босніі і Герцагавіны |
| Уваходзіць у | Army of the Republic of Bosnia and Herzegovina[d] |
| Тып | спецназ |
| Функцыя | спецыяльныя аперацыі, грамадзянская самаабарона |
| Колькасць | 3500 чалавек 1992 |
| Колеры | зялёныя |
| Войны | Вайна ў Босніі і Герцагавіне |
| Знакі адрознення | Зялёныя, сінія берэты, нашыўкі |
| Камандзіры | |
| Вядомыя камандзіры |
Алія Ізетбегавіч Эмін Швракіч |
Гісторыя правіць
Ідэя стварэння арганізацыі абароны мусульманскіх народаў з’явілася ў сярэдзіне сакавіка 1991 году, яе аўтарам быў Алія Ізетбегавіч. Пра гэта ён заявіў на з’ездзе палітычных дзеячаў Босніі і Герцагавіны ў Сараеве. Там жа 10 чэрвеня 1991 года ў Доме паліцыі быў падпісаны загад аб стварэнні вайсковай часці, якая спачатку атрымала назву «Босна» (BOSNAE). Дзеля гэтага Ізетбегавіч сфармаваў Раду нацыянальнай абароны мусульманскага насельніцтва, у якую ўвайшлі 7 чалавек.
На адным з пасяджэнняў кіраўнік арганізацыі «Босна» Эмін Швракіч паспеў паведаміць, што ў шэрагі вайсковай часці ў Сараева, якая павінна была зняць аблогу з горада, набрана 465 чалавек. Такія навіны натхнілі баснійцаў на стварэнне падобных атрадаў для абароны гарадоў, абароны мірнага насельніцтва ад агрэсіі і дыверсій у тыле праціўніка. Пазней падраздзяленне была перайменавана ў «Зялёныя берэты».
Дзейнасць Савета нацыянальнай абароны мусульманскага народа непасрэдна перад вайной ажыццяўлялася як у зноў створаных дзяржаўных структурах, так і ў няўрадавых арганізацыях (галоўным чынам у рэгіёнах і муніцыпалітэтах, дзе баснякі складалі большасць насельніцтва). У кастрычніку 1991 года «зялёныя берэты» ўпершыню ўступілі ў сутыкненне з асноўнымі часцямі Югаслаўскай народнай арміі, вывеўшы частку сваіх сіл і дэ-факта аказаўшы дапамогу войскам Славеніі і Харватыі. У канцы 1992 года «Зялёныя берэты» былі расфарміраваныя, а іх вайскоўцы атрымалі воінскія званні ў новастворанай арміі Босніі і Герцагавіны.
Абвінавачванні ў ваенных злачынствах супраць мірнага насельніцтва правіць
У пачатку вайны ў сродках масавай інфармацыі сербскага боку канфлікту «Зялёныя берэты» служылі для запалохвання сербскага насельніцтва ад «мусульманскіх атрадаў». Яны абвінавачваюцца сербскім бокам у ваенным злачынстве ў ноч з 2 на 3 мая 1992 года, калі атрады «Зялёных берэтаў» расстралялі ўшчыльную калону войскаў ЮНА, якія ў гэты час эвакуіравалі сербскае насельніцтва горада. Ахвярамі страляніны сталі ад 6 да 42 чалавек, 71 чалавек быў паранены, яшчэ 219 трапілі ў палон. За гэты інцыдэнт дагэтуль ніхто не прыцягнуты да адказнасці перад кампетэнтнымі судамі.[1][2][3]
У артыкуле або раздзеле ёсць спіс крыніц або спасылак, але крыніцы асобных сцвярждэнняў няясныя праз неўжыванне зносак. |
Зноскі
- ↑ Predlog o izručenju Divjaka validan i pravno valjan (серб.). Radio televizija Republike Srpske (6 сакавіка 2011).
- ↑ Славићнет: Рат 1992 - Добровољачка Архівавана 22 снежня 2016.
- ↑ Deutsche Welle: Gdje su bile zelene beretke i mudžahedini u Sarajevu?
Літаратура правіць
- Swanee Hunt (2004). This was not our war: Bosnian women reclaiming the peace. Duke University Press. p. 284. ISBN 9780822333555. Праверана March 1, 2011.
Zelene beretke.
Спасылкі правіць
- Афіцыйны сайт (харв.)