Искусство (часопіс)

«Искусство»
«Искусство»
Тып	часопіс
Заснавальнік	Вера Міхайлаўна Ермалаева
Заснавана	1921
Мова	руская
Галоўны офіс	Віцебск;
Тыраж

«Искусство» (Мастацтва) ― літаратурна-мастацкі часопіс, які выходзіў у Віцебску на рускай мове ў 1921 годзе накладам 500 асобнікаў. Выйшла 6 нумароў.

Гісторыя выдання

Часопіс паўстаў па ініцыятыве Веры Міхайлаўны Ермалаевай — тагачаснага дырэктара Віцебскага мастацкага вучылішча, якое ў 1921 годзе стала называцца Вышэйшымі дзяржаўнымі мастацка-тэхнічнымі майстэрнямі^[1].

Часопіс з'яўляўся органам пададдзела мастацтва аддзела народнай адукацыі Віцебскага губіспалкома і Саюза працаўнікоў мастацтва горада Віцебска. У 1922 годзе злучаны з часопісам «Работнік асветы» і стаў выходзіць пад назвай «Работнік асветы і мастацтва»^[2].

Змест часопіса

Віцебскія мастакі. 1922 год. У першым шэрагу Вера Ермалаева

Публікаваліся артыкулы і нарысы пра мастацкае, музычнае і тэатральнае жыццё Віцебска, аб стварэнні музеяў («Аб музейным будаўніцтве і віцебскім Музеі сучаснага мастацтва»), пра выяўленне археалагічных помнікаў Віцебшчыны («Нататкі аб складанні археалагічнай карты Віцебскай губерні» У. Зянковіча), тэксты п'ес, якія ставіліся ў віцебскім Тэатры рэвалюцыйнай сатыры, даваліся агляды мастацкіх выстаў, друкаваліся мастацкія і літаратурныя маніфесты і інш. Так, напрыклад, першы нумар адкрываў праграмны маніфест Казіміра Малевіча «Уновіс». Часам тэксты былі адлюстраваныя рэпрадукцыямі (кубафутурыстычныя гравюры Веры Ермалаевай і іншае). Сярод аўтараў часопіса ― М. Кунін, М. Малько, П. Мядзведяў, М. Пустынін і іншыя^[3]^[4].

Зноскі

↑ В круге Малевича: Соратники; Ученики; Последователи в России 1920—1950-х гг. / Сост. И.Карасик. — СПб.: Palace Exibitions, 2000. — 400 с.
↑ Энцыклапедыя літаратуры і мастацтва Беларусі: У 5-і т. Т. 3. / Рэдкал.: І. П. Шамякін (гал. рэд.) і інш. — Мн.: БелСЭ, 1985. — 751 с. — 10 000 экз.
↑ Шатских А. С. Витебск. Жизнь искусства 1917—1922. — М.: Языки русской культуры, 2001. — С. 158-161. — 256 с. — ISBN 7859-0117-X.
↑ Шишанов В. «Витебские будетляне» (к вопросу об освещении театральных опытов Уновиса в витебской периодической печати) // Малевич. Классический авангард. Витебск — 12: [альманах / ред. Т. Котович]. — Мн.: Медисонт, 2010. — 264 с.

Літаратура

Витебск: Энциклопедический справочник / Гл. редактор И. П. Шамякин. — Мн.: БелСЭ им. П. Бровки, 1988. — 408 с. — 60 000 экз. — ISBN 5-85700-004-1
Медведев Ю., Медведева Д. Труды и дни М. М. Бахтина // Звезда, 2008, № 7

[1] В круге Малевича: Соратники; Ученики; Последователи в России 1920—1950-х гг. / Сост. И.Карасик. — СПб.: Palace Exibitions, 2000. — 400 с.

[2] Энцыклапедыя літаратуры і мастацтва Беларусі: У 5-і т. Т. 3. / Рэдкал.: І. П. Шамякін (гал. рэд.) і інш. — Мн.: БелСЭ, 1985. — 751 с. — 10 000 экз.

[3] Шатских А. С. Витебск. Жизнь искусства 1917—1922. — М.: Языки русской культуры, 2001. — С. 158-161. — 256 с. — ISBN 7859-0117-X.

[4] Шишанов В. «Витебские будетляне» (к вопросу об освещении театральных опытов Уновиса в витебской периодической печати) // Малевич. Классический авангард. Витебск — 12: [альманах / ред. Т. Котович]. — Мн.: Медисонт, 2010. — 264 с.

[1]

[2]

[3]

[4]