Казімір Вікенцьевіч Камейша

Казімі́р Віке́нцьевіч Каме́йша (4 снежня 1943, вёска Малыя Навікі, Стаўбцоўскі раён, Мінская вобласць) — беларускі паэт, перакладчык.

Казімір Вікенцьевіч Камейша
Асабістыя звесткі
Дата нараджэння	4 снежня 1943(1943-12-04) (80 гадоў)
Месца нараджэння	Малыя Навікі, Рубяжэвіцкі сельсавет, Івянецкі раён, Баранавіцкая вобласць, БССР, СССР
Грамадзянства	СССР  Беларусь
Альма-матар	БДУ
Месца працы	Працоўная слава Першы Нацыянальны канал Беларускага радыё Полымя Вясёлка Маладосць Полымя Вожык
Прафесійная дзейнасць
Род дзейнасці	перакладчык, паэт, рэдактар
Мова твораў	беларуская
Грамадская дзейнасць
Член у	Саюз пісьменнікаў Беларусі
Прэміі	Літаратурная прэмія імя Аркадзя Куляшова (1989) Залаты купідон (2010)
Узнагароды

Біяграфія

Нарадзіўся ў сялянскай сям’і. Скончыў завочнае беларускае аддзяленне Беларускага дзяржаўнага ўніверсітэта (1970). Служыў у Савецкай Арміі (1963—1966), быў літсупрацоўнікам валожынскай раённай газеты «Працоўная слава» (1967—1968). З 1968 г. — старшы рэдактар на Беларускім радыё, у 1979—1981 гг. працаваў у часопісе «Полымя», з 1981 — у часопісе «Вясёлка». У 1988—? гг. — рэдактар аддзела паэзіі ў часопісе «Маладосць». Пазней працаваў у часопісе «Полымя» і альманаху «Вожык».

Творчасць

У рэспубліканскім друку выступіў з вершамі ў 1961 г. Аўтар зборнікаў паэзіі «Восеньскія позвы» (1969), «Мембрана» (1972), «Нектар» (1974), «Тут мае вёсны прычалены» (вершы і паэмы, 1977), «Сябрына» (1978), «Плёс» (1982), «Галоўная вярста» (вершы і паэма, 1985), «Пярэймы дня» (вершы і паэмы, 1988), «Лінія лёсу» (вершы, 1996).

Выдаў кнігі паэзіі для дзяцей «Гаёўка» (1975), «Буслянка» (1985), «Дзятлава кузня» (1987), «Добры дзень, шафёр» (1988) і кнігу прозы «Духмянае дзіва» (1984).

Перакладаў творы рускіх, славацкіх, і ўкраінскіх пісьменнікаў на беларускую мову.

Аўтар зборніка лірычных запісаў і мініяцюр «Паміж кубкам і вуснамі» (2010).

Узнагароды і прэміі

• Лаўрэат Літаратурнай прэміі СП БССР імя А.Куляшова (1989) за зборнік паэзіі «Пярэймы дня».
• Лаўрэат літаратурнай прэміі «Залаты купідон» (2010).
• Медаль Францыска Скарыны (2020).

Літаратура

• Каме́йша Казімір Вікенцьевіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 511. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Казімір Камейша: Я — паэт пушчанскага паходжання // Газета «Звязда»