Каледжы аб’яднанага свету

Каледжы аб'яднанага свету (КАС), Каледжы міжнароднай супольнасці (англ.: United World Colleges, UWC) — група навучальных устаноў у розных краінах, якія сваёй галоўнай мэтай лічаць развіццё ўзаемаразумення паміж народамі праз адукацыю. Прыём навучэнцаў з Беларусі — з 1994 г.

Эмблема.

Асноўныя звесткі

Лагатып МБ.

Месцазнаходжанне каледжаў.

У большасць каледжаў міжнароднай супольнасці прымаюцца навучэнцы, якія маюць 16 — 17 гадоў, па конкурсе, тэрмін навучання — 2 гады. Навучанне вядзецца па праграме МБ — міжнароднага бакалаўрата (англ.: International Baccalaureate, IB). Выпускнікі атрымліваюць дыплом, які прызнаецца болей чым у 130 краінах, і з ім могуць паступаць у вышэйшыя навучальныя ўстановы.

Нур.

Ініцыятарам заснавання першага каледжа быў нямецкі педагог і грамадскі дзеяч Курт Хан. Цяпер працуюць 15 такіх каледжаў (2014). Нацыянальныя камітэты, якія іх прадстаўляюць, дзейнічаюць болей чым у 120 краінах, адкуль вядзецца прыём навучэнцаў.

Каледжы, іх выпускнікі, нацыянальныя камітэты і іншыя арганізацыі і асобы, якія маюць дачыненне да каледжаў, складаюць сусветны рух Каледжаў міжнароднай супольнасці (англ.: UWC International). Старшыня руху з 1995 году — Яе Вялікасць каралева Іарданіі Нур.

Галоўная задача адукацыі — гэта забеспячэнне пяці якасцей у чалавеку: дапытлівасці; духу, які не прызнае паразы; настойлівасці ў дасягненні мэты; гатоўнасці да самаадрачэння; і, перш за ўсё, спагады.

— Курт Хан.

Каледжы

Атлантычны каледж. Выгляд з заліву.

Паўднёваафрыканскі каледж. Інтэрнат.

Каледж «Лі По Чун», выгляд зверху.

Паўночны каледж.

Каледж	Месцазнаходжанне	Год заснавання
Атлантычны каледж аб'яднанага свету (англ.)	г. Ланілтыд-Ваўр, горад-графства Бро-Моргануг, Княства Камры (вал.) — г. Лантвіт-Мэйджар, горад-графства Вэйл-оф-Гламорган, Княства Уэльс (англ.), Вялікабрытанія	1962
Каледж аб'яднанага свету ў Паўднёва-Усходняй Азіі (малайск.) (англ.)	Сінгапур	1971
Каледж аб'яднанага свету імя Л. Б. Пірсана (англ.)	г. Вікторыя, правінцыя Брытанская Калумбія, Канада	1974
Паўднёваафрыканскі каледж аб'яднанага свету «Уотэрфорд-Камхлаба» (мова свазі) (англ.)	г. Мбабанэ, Свазіленд	1963, статус КАС з 1981
Заходнеамерыканскі каледж аб'яднанага свету імя А. Хаммэра (англ.)	г. Мантэсума, акруга Сан-Мігель, штат Нью-Мексіка, ЗША	1982
Адрыятычны каледж аб'яднанага свету (італ.) (англ.)	г. Дуіно, камуна Дуіно-Аўрысіна, правінцыя Трыест, рэгіён Фрыулі-Венецыя-Джулія, Італія	1982
Сельскагаспадарчы каледж аб'яднанага свету імя С. Балівара (англ.)	г. Барынас, штат Барынас, Венесуэла	1986, статус з 1987
Каледж аб'яднанага свету «Лі По Чун» (кіт.) (англ.)	г. Ганконг, Кітай	1992
Паўночны каледж аб'яднанага свету Чырвонага Крыжа (нарв.) (англ.)	в. Флекке, камуна Фьялер, фюльке Сагн-ог-Фьюране, Нарвегія	1995
Каледж аб'яднанага свету «Махіндра» (англ.)	в. Хубавалі, талука Мульшы, акруга Пуна, штат Махараштра, Індыя	1997
Каледж аб'яднанага свету ў Коста-Рыке (ісп.) (англ.)	г. Санта-Ана, правінцыя Сан-Хасэ, Коста-Рыка	2000, статус з 2006
Каледж аб'яднанага свету ў Мостары (англ.)	г. Мостар, кантон Герцагавіна-Нерэтва, Федэрацыя Босніі і Герцагавіны, Боснія і Герцагавіна	2006
Каледж аб'яднанага свету ў Маастрыхце	г. Маастрыхт, правінцыя Лімбург, Нідэрланды	2009
Каледж аб'яднанага свету ў Дыліжане	г. Дыліжан, марз Тавуш, Арменія	2014
Каледж аб'яднанага свету імя Р. Боша (англ.)	г. Фрайбург, зямля Бадэн-Вюртэмберг, Германія	2014

Вядомыя выпускнікі

Вілем-Аляксандр.‎

Каледжы аб'яднанага свету, у прыватнасці, скончылі:

• Яго Вялікасць кароль Нідэрландаў Вілем-Аляксандр

Паўлас.‎

• Яго Каралеўская Высокасць крон-прынц Грэцыі і прынц Даніі Паўлас
• Яе Каралеўская Высокасць прынцэса Іарданіі Райя бін аль-Хусейн
• Аляксандр Дуглас — брытанскі палітык, дэпутат Парламента Вялікабрытаніі
• Ян Кхама — прэзідэнт Батсваны
• Роберт Мілтан — кіраўнік холдынгавай авіякампаніі «Эйс Эвіэйшын», Канада
• Элунід Морган — сябра Палаты лордаў Парламента Вялікабрытаніі
• Карэн Джой Морыс — кітайская кінаактрыса («Вакол свету за 80 дзён»), спявачка
• Піліп Ніаркас — грэчаскі мільярдэр, сустаршыня дабрачыннага Фонду С. Ніаркаса
• Йорма Олліла — старшыня праўлення кампаніі «Нокіа», Фінляндыя
• Жулі Пейет — канадскі астранаўт, афіцэр Ордэна Канады (вышэйшая ўзнагарода краіны)
• Ліндзіве Сісулу — міністр па справах дзяржаўнай службы і кіравання Паўднёва-Афрыканскай Рэспублікі
• Акіхіка Хосідэ — японскі астранаўт
• Эн Энрайт — ірландская пісьменніца, лаўрэат Букераўскай прэміі
• Ленэ Фельтман Эсперсен — дацкі палітык, дэпутат Фолькетынга, намесніца прэм'ер-міністра Даніі ў 2008—2011 гг.

(Звесткі на 2014 г.)

• 

  Йорма Олліла.

• 

  Жулі Пейет.

• 

  Ян Кхама.

• 

  Карэн Джой Морыс.

• 

  Ліндзіве Сісулу.

• 

  Акіхіка Хосідэ.

• 

  Ленэ Эсперсен.

• 

  Аляксандр Дуглас.

Спасылкі

• UWC — Беларусь Архівавана 14 ліпеня 2014.
• UWC Official Website (англ.)
• UWC Student Magazine (англ.)
• Жительница Светлогорска окончила индийский колледж // Белорусская деловая газета. 2002. 18 сентября. Архівавана 9 жніўня 2011. (руск.)
• Раманцоў, В. Амерыканскі дыплом для нашай зямлячкі // Гомельская праўда. 2004. 15 ліпеня. С. 5.(недаступная спасылка)
• Белоруска заняла III-е место на международном турнире по «Дебатам» // БелаПАН. 2009. 8 студзеня. Архівавана 3 чэрвеня 2009. (руск.)
• Маслюкоў, Т. У міжнародныя каледжы прыняты новыя навучэнцы з Беларусі // Regionby.org. 2009. 1 траўня.
• Маслюкоў, Т. Беларусы ў найдаражэйшых каледжах ЗША. Адкуль грошы? // Міжнароднае грамадскае аб’яднанне «Згуртаванне беларусаў свету «Бацькаўшчына». 2009. 11 жніўня. Архівавана 6 сакавіка 2016.